طير الافكار

بســم الــــذي ناصــر نبيــه بالانصـار — مبــــدا القصيده والقصيـده اختياري

خطّـيتهــا وابياتهــا جــداد وبــــكـــار — للماقــف اللــــي يستثيــر الجـــواري

مع أوّل الصبـح وشلع طيــــر الافكـار — مــــن قبل لا يعلـن هبــوط اظطراري

بـ ارض الزعتري واهلها سقم الاخطار — هــم ربعــــي وناسي وهالــــدار داري

عنهــــم أنــا مـــا دام أكبـــر بالكـبــار — وعنهــــم أنــا مــا دام هـــذا شُعــاري

مــــا همّـنـا المقفي وغريبيـن الاطوار — ومحدٍ على فرقــــاه هــــل العبــــاري

اللي منعهـــم عنّنا زيــــف الاعــــذار — يا عــــل تذراهـــم هبـــوب الــذواري

أصفــــار مهما تعتلي حسبـــة اصفار — وماني مجامــــل مـــن تخلّـى واداري

ولا الذي حــــده عــــن الجيــه اسرار — لا بــــد مـــ الأيــــام تكشــــف مواري

أحبابنا مــــن صفــــوة الناس الاطهار — ولا الردي مــــا لــــه مع الناس طاري

ومـــن شان هذا اليوم كــم صفر انذار — مبطي جهزنـــــا وندري الــكــل داري

كل يـوم عنـــد الناس موجـــز للاخبار — العـــرس قـائـــم والثلاثــــه ظـــواري

لضيوفنــا لا شـــك تقـــديـــر واكبــار — في جـــو صيفي وجونـــا فـيـه نـــاري

أهـــلاً هـلا أخيــار في حضــرة اخيــار — روح الأصالـــــه والرُقـــي الحضــاري

الله محيّكــــم عـــدد مـــزن الامطــار — والله محيّكـم عـــدد رمـل الصحــاري

في منـــزل اللي يكــرم الضيف والجار — جاسـم وريث الطيـب ما هـــو تجاري

ايســود مـــع طاريـــه هيبـــه ومقدار — صحيح مسلـــم أو صحيح البخـــاري

الهيلعي القـــــرم صفــوة هــــل الكار — كنـه على نهرٍ مــــن الطيــــب جــاري

يا عــل مــــن مثلــــه طويلين الاعمار — ولا الـــردي يبطي مـــن الطيب عاري

من لابـــةٍ ســادت على جـــل الاقطار — واللي جهـــل ينبيــه بيــــض الحباري

خوالــــدٍ لا صــــار بــــه نــــار وغبـار — كنك تشاهــد حــــرب ذات الصواري

واليــــوم شاء الله وبحكــــم الاقــدار — وما قــــدر المولى على الخلـق جاري

والله يحفـــظ الهاشمي ويحمي الـدّار — من كــل عابـــث مستشــر امتـــواري

في شرعـــه المأجـــور النّـــاس كُـفّــار — وبالخبــــث والحيلات عــــاده يماري

مولاي يابـــو حسين وان صار ما صار — عـز الوطن والشعـــب فيـك افتخاري

تمّـت وصلّـــوا عالنّـبي عداد ما طـار — طيــر وبنــات الفكر جتكـــم جــواري

تكريــمهـــن لا شــك اعجاب الاحـرار — نعـــم وكفـــو ولا شـــك رد اعتبــاري

خطّـيتهـــا وابياتهــا جــداد وبكـــــار — يا ربـعـــي وناســـي وهالـــدار داري

وبســم الــــذي ناصــر نبيــه بالانصـار — بنهــي القصيده والقصيـده اختياري