رحيل ومحطات

اضغط على أي بيت لعرض معانيه وشرحه

هاذي هي الدنيا رحيـــــل و محطاتما لي بهـــــا وجهه ولا لي عناوين

إن زانت الخطــــــوة تشين المسافاتوان زانت الهقـــــوه تشين المضامين

من وين ما أمشي دروبي مطباتكل شي غادي صعب وايامنا آ سنين

ما هي على خبري ليا جت سهالاتاتغيّــــرت لــ احوال يا صاحبي ليــــن

ما عاد بــــه خوّه ولا به صداقاتغادين ما ندري على وين غادين

الجرح له في داخل الجوف صولاتيعني على ما قيل راثع بي البين

كم طاحت الدمعة على الخد بسكاتوالناس من حولي عن الدمع لاهين

الوقت غربلني وانا كلّي آ شتاتلا جيـــــت الملمني يبعثرني الدين

شبعان من زيف الحكي والشِّعاراتوالمعذرة عن بعض الابيات بعدين

بعدين ... لا بالله ما ينفع تبــــاتلا صار ما قيلت بهالوقت مخطين

وين النجاة من ظلم كل الحكوماتلا صـــــار فاسدهم يسنّ القوانيين

اللي لهم في كل طبخــــه بطولاتواحنا نغسّل من وراهم مواعين

لـ اعطو لنا حاجة خذوا عشر حاجاتندري بهم لكن ولا كنّ دارين

لن البلا حنّا ومــــنّا الخياناتواول خيانه تحتها حطّ خطّين

نفس الخطا نخطيه كل انتخاباتلا صاح المنادي أيآ عزوتي وين؟

انعظّم الفاشل وهو دون وفتاتوفزعاتنا ما هي لاجل عرض أو دين

كم نايــــب اوصلنا وكم مجلسٍ فاتما هــــم كفـــــو إلا بقلب الموازين

امباطحه في كلّ جلسة و هوشاتولا اقعدي يا هند يا هند تكفين

نوابنا بــ اسبابنا حاشت اصواتاصوات ذقنا من وراها الأمــــرّين

تطلع لنا في كـــــل جلسة قرارتلا تراعي الذمّة و لا تراعي الدِّيــــن

يا مجّلس النيّام ما يكفي آ سبات؟حال المواطن بالوطــــن نيله و طين

ما بين فقر وذل ومصارع الذاتترثع بنا الأيام والواقع الشين

كم قلتوا الا تزين واقول هيهاتما دام لـ اكثركم مع الناس وجهين

أقصى مراجلكم من الشات للشاتوالجعجعة والكذب من حين لا حين

متصدرين اترند في رسم الاهاتومن العهر لا عذر ونقول راظين

رغم انف هذا الوقت وبكل الاوقاتورغم انف كل الناس يا ناس أهلين

بـ اسبابك صاروا ونالوا البطولاتالذيل غادي راس والكرش مترين

الخبل روّجله له قصايد وشيلاتتذكر صفات الراس من دون قرنين

إلا على الطاري وتكفون الانصات!!مستشيخينا اشيوخ وشيوخنا وين

في موطني ما عاش غير الخواجاتوالمُرتشي والكلب وابن الملاعين

والعرص والنّصاب اللي لاجل هــــاتايبرّر الغايــــه واهم حاجــــه اتزين

سادوا على السّادة وغادين ساداتواذناب من سادت على السادة اتهين

ومن قبل لا تنشد وهل عندك اثباتمن بيّع الرّملات والنّاس ساهين؟

ما عاد بي قوّة ولا حمل طعناتيكفيني اللي جاني الأمس والحين

رغم الحزن فيني فلا تسمع اصواتصابر وحسبي خالق العبد من طين

أحيائنـــــا أمــــوات وتودّع امواتوامواتنـــــا في باطن الأرض حيين

عن القصيدة

«رحيل ومحطات» من شعر احمد عبد الله الخالدي، وتقع في ٣٦ بيتًا. وهي بالعامية، ورويّها حرف النون.

التعليقات(٠)

سجّل الدخول لإضافة تعليق.