لله

للّه تكبيراً و حـمدً وتهليل — اللي هــزم لأحزاب والمسترده

مرسل على قوم أبرهة طير أبابيـل — وسلط عليه ومن نـواياه لـده

طيراً بأمر ربي رمتهم أبسجيـل — وأحجار لو صابت الضلعُ تهــده

والله جعل كيده وقومـه أبتظليل — وسلط على قـومه وفيله وصده

يامرسلً عيسى أبن مريم بلانجيل — ياحافظً موسى على أمه ورده

يامفضلً رسله على الخلق تفضيل — يا واحـدً محدً شبيهه ونده

تجيـرنا يا لله من وأدي الويل — اللي بـه الكفار والمستبـده

ومن بعـد ذكره جاز بدع التماثيل — وطاب القصيد وفكرتي مستعده

حقيقةً مهيب كــذب وتظليــــل — واللي كذب يالعنبا أصله وجده

واللي مكذب يستمع لتفاصيل — ويلا أستمع له يأخذه ثم يعــده

مابغا يبدل فيه لأسمع تبــديل — والناس قالـوا ماتخافه أفـبـده

تمسي الليالي حيل والصبح حميل — ودربً يـودي للمصايب تـعـده

قابيل من قبلك سفك دم هابيل — لأ هـو عـدوا ولا يبي منه عده

وبليس يجعل اللاوادم محابيل — وبابً يجي ببليس رحله وسده

هذى الكلام اللي بعيدٍ عن الميل — ولأ أحد عن دروب الحقيقة يصده

لأسمعه اللي يشتقي بالتماثيـل — يبطي ورأسه ماهـتنا بالمخــده

قلبه يحط من الهواجيس ويشيل — المبطـيه منها مع المستجـده

تلعب هجوسه من لحنها مواويل — بيـن التغـلي والجفا والمــوده

وأصبح فؤاده لطواري مداهيل — ودنياه ماجت له عـلى مايــوده

ماعـنده الا أشواق قـلبه مراسيل — شــوقً يجيبه له وشــــوقً يـــرده

وأشواق راع الحـب دايم مهابيل — عــلى الصعـيب الصلف لازم تحده

وأنا الذي لمن سرى مقـدم الليل — جـلست مع نفسي و الأفكار مــده

اختار جزلاً لأعـرض للارجاجيل — شـد انتباه المستمع فـي مشـده

شعـرا ًيذب الريع ماهوب أقاويل — مثل البحـر لأثار جزره ومده

أطيب من الجاوي مع البن و الهيل — وألذ من نومً بعد سهر مده

يالله عسى نواً وكيله مكاييل — يسـقي مضامي مـوميات الاشده

يمطر على أطراف الركا طلعت سهيل — ديـره لربـوع جارها ماتحـده

قحطان لاصا ر الخطر بأول الخيل — لأجالها ضداً عـنيدً تضده

خـنافـراً ماتقبل العايل يعـيل — من ساسها ساس العـرب تستمـده

هم مكرمين الضيف بالكنس الحيل — رجالهم حـراً ينـومس مهده