حوار مع بلطجي
اضغط على أي بيت لعرض معانيه وشرحه
حوار مع بلطجيـ اسمك ايه ؟
ـ بلطجي لكن شريف .ـ قلت ايه ؟! هو فيه سفاح نضيف ؟
ـ ايوا فيه و الفرق بينّا كان خفيف .هو لابس بدله سودا و شكله متهندم تمام
له حَصانه و حاشيه تضرب ميت سلام .عضو مجلس أو وصولي
كان بينهب ملياراتيملا بطنه و اللي فايض حوّله لبنوك جنيف .
أما محسوبك يا حسرهكان بيسرق كان بينهب كان بيقتل
لجل عدس و كام رغيف .ـ عمرك ايه ؟
ـ خمن أنت عمري كام ؟ـ محتمل 20 سنة
ـ 20 سنه ؟!!بص تاني في الملامح حط فوقها النص و اقرا وشي تاني
و اقرا فيها سنين مراركنت بشحت لجل أأكل أمي و اخواتي الصغار
كنت أشوف ملايين كتيره زي حالتي في الدمارفي الدويقه
و السويقهو اللي جاعت ليل نهار
و اللي غرقت في السفينةو اللي ولّع قطر بيهم و احنا بين أموات و نار .
كنت اشوف الغاز بيجري للعدو قدام عيونيو ألف واقف في الطابور .
كل همّه ف. اسطوانهبس امتى يجيلو دور ؟!
كنت ادوّر ع. الوظيفه و اجري ليها ألف كيلوـ قلت ايه ؟
ـ قلت شهر بطوله أجري عشان اجيب لي 100 جنيه .تسوى ايه ؟
و اقعد احسبها يا بيهالتقيني لوحدي ضايع وسط شارع ويا صايع
أو حرامي و ابن ايهيبقى لازم حل واحد إني اجاهد
ـ قلت ايه ؟ـ ايوا اجاهد
همّ قالوا روح و قتّل أي واحد ف. الميدانو الميدان فيه ثورجيه
دول لازمهم بلطجيهقلت مهنة فُل خالص . كام هنقبض ؟
قالوا الف جنيه معاها أكل كنتاكي اللذيذقلت اضحي لجل ادوقها
و امي و اخواتي الصغار .ـ طب قالوا لك إن دي ثورة شباب ؟
عاوزه تقضي ع. الفسادعاوزه يطلع فجر تاني ع. البلاد ؟
ـ لأ . قالوا لي دي أجنده .ـ قلت ايه ؟!
ـ قلت جاهل ، طب منين أعرف أجندهو عمري ما رُحت المدارس
عمري ما اتعلمت زيك يعني ايه ثورة شبابيعني ايه الشمس تطلع بعد ما اسودّ السحاب .
يعني ايه تعليم و صحه و شعب نايم ع.الحديديعني ايه الفجر يطلع من جديد ؟
اصلي جاهلأصلي سافل
يوم ما دبّحت ف. اخويا و ابن عمياللي أصلو من جدوري
و اللي دمه زي دمّييومها بس عرفت معنى إنّ تدعي عليا أمي
( روح يا إبني ربي مش راضي عليك )( روح و قلبي بيلعنك قدام عنيك . )
ـ تُبت يعني ؟ـ ايوه تُبت و نفسي اكفّر عن ذنوبي
نفسي اطهّر ايدي من دم اللي راحوابس مين يستر عيوبي ؟
ـ مش بلومك ، مش بحاسبكو ادعي ربك
هوَ وحده يعفو عنك أو يعاقبك .
عن القصيدة
«حوار مع بلطجي» من شعر جمال مرسي، وتقع في ٣٧ بيتًا. وهي بالعامية.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.