بحبك يا ريس
اضغط على أي بيت لعرض معانيه وشرحه
بحبك يا ريس وفوق كل شىءأحبك مطاطى وواطى وبذىء
تصادق عدوى تعادى الصديقتبرأ حرامى وتسجن برىء
يا بايع شعبك بحبة قروشيا لاهط أيادى أوباما وبوش
أراضى بلادك قبور ونعوشزنازن مقاصل ومين ده يحوش
سلاحك يا ريس هو السلاحيعادى شعوبك يعادى الصلاح
فاقعد يا ريس علينا ودلدلعذابك وقندل فينا وبهدل
ما حنا وسية أبوك اللى سابهاوقاعد انت على تل خرابها
فاقعد يا ريس وكبر ودانكوحكم يا ريس فينا اتانك
واطلق (جمالك) وسرح حيتانكواطلق يا ريس علينا بعوثك
عشان تمهد ولاية وريثكوخليك يا ريس دايما مخيف
وحكم فى أبونا عز ونظيفولليهود يا ريس ادّى فى غازنا
ومرمط يا ريس فينا وغيظناونافق يا ريس ووافق جهول
وبعد ما تدى غازك كمان مد نيلحياتك يا ريس ده عذاب كبير
لمصر الحزينة والشعب الأسيرفانهب واسرق دا سرّك فى بير
وهرّب فلوسنا دا شىء مش عسيرهتاخد اجازه وكمان حسن سير
وصاحب شارون وصاحب شاميروعللى دياب وعللى منير
يا حامى الغوازى نجوى وسهيرفى عصر الفتاكة وقفل العيون
السرقه شياكه وست الفنوناوعاك يا ريس تسيبنا نضيع
ولى (جمالك) عشانك نطيعهرب يا ريس جميع الفلوس
وهرب معاها جميع التيوسواقتل ويتّم ودمر ودوس
اعلامنا بيكتب فى حبك كلاملعوعو وجوجو والست المدام
هريتو بدنا حكومه ونظامقلتم شدّوا شدينا الحزام
شدينا يا ريس وكله تمامحكومتك بتحرس وتحمى النظام
تنفذ أوامر والينا الهمامبتقتل وتسجن وشعبك ما لام
وانت يا ريس أسير السلامبحبك يا ريس واحب السلام
تعيش يا ريس ويعيش السلاموعوعو وجوجو والست المدام
ويعيش يا ريس كل الحيتان-------------------------------
شعرمحمد ابو يوسف
فى 2008
عن القصيدة
«بحبك يا ريس» من شعر محمد أبو يوسف، وتقع في ٢٩ بيتًا. وهي بالعامية.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.