صباح الأضاحى صدام فى شنق صدام

صباح الأضاحي — *********

نايمة الدبايح ليلة عيد الأمة — والفجر فايح بالكرب والغمة

يا طامعين في سد الفرض — المؤمن يلقي أخـوه بضمه

الوافدين لأطهر مكان ولمه — المسلمين ياناس ياهوووو

متجمعين من بلاد الأرض — لأطهر مناسك وخامس فرض

ساعيين أمتثال وتوبة — مُكبرين ومهللين مهرولين

الحامدين الشاكرين — التائبين الواقفين

الراكعين الساجدين — الداعين الموعودين

الراجمين لشر البلييه — مستبشرين بنحر الضحية

اللي إعتصامهم الحقيقي — عدل القضية.

ودساسين البين العصبجية — أمريكان ولا عراقية

بانت كل النوايا العدوانية — مفرقين الشمل وباعوا القضية

جابـوا العذاب للأمة — حمل الجبال الغُمة

ماتعرفش أيـه هما — مرتزقه ولا مغيبين

توابع ولا تبيعه — مستهلكين ولا بيـيعه

وَهمْ .. ف حياتنا ولا حقيقة — صبح صباحنا بالأضاحي

وصبح صباحهم بالغدر والفجيعة — ياترى صلوا الفجر واتوضو ؟

والا أتيمموا بتراب المشانق.؟ — ليه ماخرجش الفرات يملا الأرض لأ وألف لا

ليه صدام في ساعة فجر يقابل قضاه — يا قلوب جلادين البير ضاع غطاه

مابتتنطقش الآه وهى أس الوجيعة — مات صدام على أيديهم مقتول

لكنه من ُفلاذ مفتول — كتاب الحق في أيديه

مسلم بالحرف والقول — ماشفعلوش الزور والخديعة

ولا أحترام العقول — ياحبكة تايهه فيكى الحقيقة

ياوقفة الأمة لحدوث الفجيعة — والصمت اللى ساكت ع الوقيعة

لبسنا توب الخزى في عيد الأضاحي — خرجت أفرق م الدبيحة

متحاصر بين غيظى ونواحي — عطيت للولاد العيدية من جراحى

صليت وأنا بأدعي ياغمه تنزاحى — مين كان يقول ؟

أن أمريكا اللي عملت منه غول — صنعتهولنا ماركة قائد مغول

م العيار التقيل المهول — بالحديد ، والنار ، يصول ، ويجول.

خالفت ضميرها معـاه — لو أصلا ً فيه ضمير

ياسـُم الأفاعي الخطير — حدايات ف السـما بتطير

وأدى أفـعـاااااال الحقير — نايمه بغداد ع السرير

من علل الأرض بتعانى — موجوعة و وجعانى

وياريتها سـمعانى — تخرج وتملا الأرض لأ وألف لا

شفنا ظلم ُظلامك ياعراقنا وعشناه — أمتي يئون الأوان ويرحل لمنتهاه ؟

طلبك الأخير صدام حسين ؟ — ـ بدى معطفى اللى بيدفينى

لجا يمحى من ع البدن — رعشة برد العراق فى الفجر

مابدى ارتجف ويقول شعبى خايف من الموت — لأ وألف لا ياحكام مطاطيه للأمريكان

وهاتفضل مطاطيه للأمريكان — أنا اليوم يعدمنى أمريكانكم

و جاى بكره شعوبكم تعدمكم — الشاعر

محمد أسامه البهائى — ________________