المرجلة ماهي ب خواريف و اوهام

المرجلة ماهي ب خواريف و اوهام — ولا هي ب سوالف بـس حنا و حنا

ولاهـي حكاوي مـن تراتيل الاقـلام — مـثـل المجالس في مضايـف اهلنا

الـمـرجلة مـوقـف تـسـجـّلـه الايـّام — مخصوص لـّلي ب الـمـراجـل تـكـنا

اليوم صارت عقب ما كـانـت احـلام — مـن خـادم الـبـيـتـيـن يـومـه تـعـنـا

مضمونها أوحـى جـديـدات الالـهـام — وقامت هجوسي في صـداهـا تغنا

سلمان يـا سلمان لـلـمـجـد عــزّام — عن فـزعـة الـمـظـيـوم لا مـا تـّونـا

هاذا اخـو نـوره كما اللـيـث ضـرغام — على الـعـدا مسلول سيفه يسـنا

قـّرر و وجـّه و اوعـز الـكـل بـاحـكـام — ي مـسـّجـّل الـتاريخ سـجـّل بـأّنـا

العاصفة هـبـّت تــرى الـوعـد قـدّام — حـربـن على روس الـروافـض تشّنا

غارت وغارت وارهـبت روس الاقزام — يا ويـلـه اللي عـلى المسلم تجـنا

تنبـيـه إن الـظـلـم لـو طـال مـا دام — و الــحــدّ مـن إيـــران حـان و تـدنـا

مشاعري ثـارت على مثلك فـطـام — يـاللي فـعـولك مـن وصـلـت اذهلنا

عسانشوف الحزم في.ديرة الشام — مـن بـعـد مـا شفناه أنـصـف يـمـّنا

انـتا لها يـا رمـز المـماليك الـعـظـام — لا تـنـقـد الملهـوف فـي مـا تـمـنـا

سجلتـهـا يـمـّـك هـنا بـعـد السلام — انـخـاك نـخـوة عــن مـذابـح وطـنـا

يا بـو فـهـد بـنبيك من اربـع اعـوام — الـجـور و الـحـرمـان يـامـا امـتـّحنـا

اربع سنين الموت في ديرتي حـام — اربع سنين الـشـعـب يـصـرخ يونـا

اربع سنين الظـلـم فيـنـا و الاجـرام — اربع سنين الـوضـع شــان و تـدنـا

اربع سنين الشعب مجرووح منظام — اربع سنين من الـمـصـايـب حدنـا

احـوالـنـا بــثـّـت تــصــاويــر و افـلام — و الـطـايـرات اتشـوت مّـنـا و مّـنـا

الشعب هـاجـر و استقبلـته الخيام — وما من زعيم يـرّد صـوت الـمـّعـنـا

البعض جسمه غدى جـلـد و عظام — يامـا و يامـا ب مـثـل حـالـه دفّـنـا

بـالتضحية و الـصـبـر حطمنا الارقـام — رغم المصاب و رغم كل من طعنا

بـشـّار حـوّل دارنـا كـلـّهـا احــطــام — ابـن الـلـئـيـم اللي حسبناه مـنـا

معه الـروافـض جـمـّعـت كلّ هـدّام — نـاظـر تـرى سـود العمـايـم غـزنـا

عـاثـو بـنـا أوبـة مـنـاجـيـس ظــّلام — شـيـطـانـهـم بـالـشـّر دايـم يـّزنـا

يا خـادم البـيـتـيـن موضـوعـنا هـام — نـصـرة عـقـيـدتـنـا و نـصـرة أهـلنا

يا قـايـد الأمـّة على النهج باحـكـام — رّد الـروافـض و الـمـجـرمـيـن عـنا

لا تـتـرك الدمعة على خـّد الايـتـام — يـا نـاصـر المظلـوم مـن دون مِـنـا

ينخاك شيخن صـاح اردته الاسقام — و صوت العذارى بالبيوت انـتـّخـنـا

افـزع لهم و ابـشـربـنـا درع وحـزام — على الـعـهـد والله مـا يــوم خّـنـا

مليار مسلم واكثر اجيال من سام — خابت رجـاوي من يشتت شملنا

يالله تـجمـعـنا على ديـن الاسـلام — حـتى الـزمـان يـعـود هـاذا زمـنـا

واغـفـر لـنـا يـالله مـجـمـوع الاثــام — يـاللـي عليك بـكـل أمـر اتـكـّلـنـا

وختامها صـلـّو عـلى سـيـد الأنـام — مـحـّمـّد المـختار خـاتـم رسـلـنـا