خادم الحرمين الشريفين

اضغط على أي بيت لعرض معانيه وشرحه

ياسيدي ماني ابي سلمى زهيرحتى ولاني مثل شاعــــــــركم خَلَف

رجلٌ عصــــامي عبد لِلّه وفقيرشاعر بدو وإن طاح فالجمري شَلَف

يدري بأن الكذب له حبلٍ قصيروالشعر إحساس أو تخيّــــُل أو بَلَف

لكني اْكتب ما يخالج للضـــــــميرواْجـــــمع نوادر ماكتبته في مَلَف

حبٌ يفوق الحـــــب عند ام الغريرقلبٍ على حبك وتقــــــــديرك وَلَف

وإذا نسجته زين بســــلوك الحريرالورد والريحان ســـــــــوّيته غَلَف

أقدّمه إهداء مقطـــــــــوع النظيرلأبو الجميع ألّي على عياله أَلَف

من يوم قمت بخير من فوق السريرالشر زايل عنك والخاســــــي ذَلَف

يارب ما تشــــكي من البرد وهجيرولا تشــــتكي همٍ ولا تشكي صَلَف

انا من الفرحه أغنّــــــي واْستديرواْنّقر على طار الشمالي والزَلَف

وان عاد ابو متعب ابنحر لي بعيرحتى لو القيمه مجمّـــــــــعها سَلَف

ماعاد أفكّر لو يصير ألّي يصيرلو كان ما حصّلت لطيوري عَلَف

وابختصر بيــــــــــتين قدام الأخيرأعضاي فدوى لك ولو راحت تَلَف

طب وتخيّـــــر في حلالك واستخيرأقل ما يُهـــــــــــدى ولا فيها كَلَف

من هامتي لين اصبع الرجل الصغيرهدية عصــــيمي علاها قد حَلَف

عن القصيدة

«خادم الحرمين الشريفين» من شعر الشمالي جمهور سفر العصيمي، وتقع في ١٥ بيتًا. وهي بالعامية، ورويّها حرف الفاء.

التعليقات(٠)

سجّل الدخول لإضافة تعليق.