دفتر أحوال
اضغط على أي بيت لعرض معانيه وشرحه
الشتا دخل البيوتأكل اللحاف والدنيا برد
والفقر عشش ع الحيطانوالعيشه سد
الكل راكع ف الطابورولاحد راضي يمد إيده لحد
..رغيف العيش قدم إلتماس
إشمعني عِز كل يومبيعلي في سعر الحديد
الطاق طاقينومافيش حساب
علشان كدهجاله إكتئاب وكش خالص
وصبح يادوبك لقمتين.......
الحياه صبحت جحيموآدي ألف سين
مش لاقيه جيموالحل أصبح معتقل بقانون غريب
ورجال حبيب مسكوا البلدأستغفر الله العظيم
أستغفر الله العظيم........
إتبرعوا يااهل الإيمانإعلان
علي كل الكنايس والجوامعفي الميدان
هات م الآخرطب إزاي أنا أصبح مؤمن
والجوع كافر ؟؟!!!...............
العجوز قال لايجوزالشعر الابيض يوم يبان
طب والسنان ؟البلع سهل
والطقم لازم يبقي حل.......................
من ييجي كام مليون سنهمعصوره عصر
من ييجي كام مليون سنهمحصوره حصر
وعشان تفوقطب ييجي كام مليون سنه
عاوزاها مصر ؟؟؟................
البلد مسجونه جوه نفسهارافضه تفارق أمسها
طب مين ياناس هايحسها ؟!وحارسها خوفها ويأسها
......مصر ...المنيا .. يناير 2006
عن القصيدة
«دفتر أحوال» من شعر أشرف فايز، وتقع في ٢٦ بيتًا. وهي بالعامية، ورويّها حرف الدال.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.