غلا الناس (سلطان بن عبد العزيز )
اضغط على أي بيت لعرض معانيه وشرحه
ليت المرض ينقل عن اللي نودّهوالله لاشيله عن غلا الناس سلطان
شيخ جميع الناس ذخر تعدّهإن ضاقت الأيام واشتدت أزمان
ملجا الرفيق ومن بعد كان ضدّهحتى العدو ينصاه لي ضاق به شان
محد(ن) وصل بالجود والطيب حدّهوانا اشهد إنّه أكثر الناس إنسان
كم واحد(ن) عن لحظة الياس ردّهحتى زرَع له بالأمل روض بستان
أمّا الشجاعة فاسأل اللي يندّهوعزّي لمن لاقاه سلطان غضبان
يمناه إذا همّت بحصن(ن) تهدّهويسراه ياما عدلّت راس غلطان
وكل(ن) عطاه الله من الحمل قدّهونصيب ابوخالد هزع كل ميزان
وتضحك لها عينه وسنه وخدّهما كنها إلا ريشة(ن) شالها حصان
ياالله ياربي من العمر مدّهكم عين محتاج ترجله باحسان
عن القصيدة
«غلا الناس (سلطان بن عبد العزيز )» من شعر خالد الفيصل، من العصر الحديث، وتقع في ١٠ أبيات. وهي بالعامية، ورويّها حرف النون.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.