ياحاتم

اضغط على أي بيت لعرض معانيه وشرحه

الكرم والجود ورثك والبشاشه لك عوايدياعسى الباري يحفض اخطاك من سو المكيده

ياعزى الي لويطوله بالدهر كثر النكايدلالقاك يزول همه من ضلوعه والنكيده

تسبق الخطوات عينك لي غلا بالقلب زايدلوغيابي عنك ساعه شفتها رحله بعيده

والله إني يوم أشوفك تبتسم لي بالشدايدمقبل ووجهك يبشر بالرخا عقب الشديده

أصبحت كل الهموم بداخل اضلاعي بدايدوانتهت عني وعشت بدنيتي عيشه سعيده

حقك الي لك عليه يوم انا لك صرت قايداحسن المربا وادور لك مع الدنيا زويده

وحقي الي لي تحفضه يوم اجي لك بالنشايدمايضيع الحق كاني بالفعايل مستعيده

يوم اشوفك ماتكيل النقص تعطي بالزوايديشكر المرفود قسمه بالعطايا من رفيده

ماخسر ياحاتم الي يبذل المعروف جايدبه على الملهوف والي بالشقا نفسه جهيده

وماكسب ياحاتم الي زند المعطي جحايدمايفوز الي يبادل مكرمينه بالجحيده

قدّم المعروف وابعد مايعود بالنقايدواترك الي مايدوربالبشر غير النقيده

وصاحب الي بالشدايد عن طريقك مايحايدماتغيره اليالي بالوفا ينبض وريده

واحسن الصحبه مع الي لك يقرب للحمايدمايدورغير زودك وانت زايد لوتزيده

ياعسى الله مايخيب لك رجا ياابا الفوايدمايخيب لك رجابالخير يومنك تريده

والله اني ماتهنا بالكرى فوق الوسايديوم اهوجس بك يروح الليل واعيوني سهيده

ماشكت عله ولاكن ترتقي فوق السنايدتبعد النظره ومثلي مايفرط في رصيده

التمس وين الطريق الي يشرف بالحمايدوارجي الي ماتخلا بالشدايد عن عبيده

يجعل الخطوات دايم دربها صوب السدايدعن طريق الحق دربك راجي انه مايحيده

قالواحبال المنايا طوقت مثل القلايدللبرايا والنصايب بالمدافن لك شهيده

والدلايل بالفعايل سجلوها بالشهايدوالرجا في رحمة الي تسبق الرحمه وعيده

عن القصيدة

«ياحاتم» من شعر سلطان الجالي، وتقع في ٢٠ بيتًا. وهي بالعامية، ورويّها حرف الدال.

التعليقات(٠)

سجّل الدخول لإضافة تعليق.