ريمه
اضغط على أي بيت لعرض معانيه وشرحه
ريمه...بيجى ديما ذكرها...
فى دمن حكياتنا القديمه...مره نسمع كات طيبه...
والف مره نسمع انها . .كانت لائيمه....
يعنى مره نقولها مدح. ..والف مره تكون شتيمه.....
كل مره فيها برجع تانى للعاده القديمه........
كات احلى ايام عشتها... كانت على الفطره السليمه...ريمه كانت فى الحوارى وفى البيوت...فى المزارع والمصانع والشوارع والشطوت...فى الحكاوى والقهاوى وضحكة ابويا بأعلى صوت....فى ايادى امى الطيبه... بسمتها تقول يا هم موت ...
ودمعتها برضه قريبه...فى اكله كنت بحبها... من ايد جارتنا الكريمه....
....ريمه كام بيت من قصيدة لاحمد فؤاد....
يحكى فيها حال المواطن ...لما كلب الست عضه...
وازاي سي فوكس قطع بجامته....وازى عشان الكلب يرضى...
هدو حيله و هتكو عرضه...وشريط جديد للشيخ امين.... والراديو كان حافظ بيتين.. اجمل بيتين....
غمض عنيك تأليف چاهين....والمهندس يحكلنا قصه فى كلمتين...
كلمتين وبس لاكن.. بيلخصو تعب السنين...والشيخ أمام... بيغنى على شد الحزام...
شيد قصورك ..ملعون غرورك ..فرعون زمان.. كان برضه فاكر أنه خالد...وف لحظه مات...
بكره زايوو يجى دورك....ويغنى راجع يا مدينه ...
مصر يا امه يا بهيه.... هتيلى حاجه للذوكام....يعنى الست اللى طلعت عليك اشاعه..
هيه ريمه...وجارتنا اللى كانت ولا اتخن ازاعه....
تلقاها ريمه...وبنت الجيران اللى شغلاك كل ساعه...
تبقي ريمه....والبت اللى دارسه اصول المياعه...
ابله ريمه....والبت اللى لو حد مسها تديه بالقديمه....
برضو ريمه....ريمه تلاقيها واحده طافت ف البيوت....
لو مره هتشوفها حمل ....هتشوفها مليون اخطبوت...
ريمه كانت فى السياسه...عروسه وكل يوم فرحها...
لما دوقنا تلات هزايم.....روحنا ناصبين العزايم....
ولما خد قرار وقالو عليه تنحا.....الشعب كله هتفلو أ؟؟ا....
شعب طيب ابن ريمه....بيموت فى الحاجه القديمه....
ريمه كانت فى التابوت....طالعوها بفعل فاعل ....
فكو من أيدها الخيوط...يعنى لو يظهر مبارك....
السادات لازم يموت...كأنه فرض وجاى ف اديه الحانوت....
30سنه والسُنه كانت السكوت....ريمه ورتنا العجايب....
يمشى شايب يجى شايب....والشباب مركون زكايب...
من كتر همه وسطه سايب...وقت اللزوم ياخدوه ركايب...
ولو مره يشكى يعملو معاه السليمه...هااا هتسكت ولا نوديك عند ريمه...
يقصدو السلطه الرحيمه....ولما جم عند البنات...
عرفوهم كل حاجه الا ريمه...يعنى يعشقو الموضات... ويكرهو الحاجه القديمه...
حبو الطرى....كرهو اللى ناشف.....
يتفننو فى لبس المقطع....واللى دايق واللى كاشف....
يتشائمو من سيرة زمان...فش.. طوز.. بيس يا مان...
والواد ده موز... والله كانت جدعه ريمه...لما جابت داغ حليمه.....ريمه ممكن تبقى مره حاجه حلوه...
والف مره تكون جريمه
عن القصيدة
«ريمه» من شعر أبي حجاج، وتقع في ٤٠ بيتًا. وهي بالعامية، ورويّها حرف الميم.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.