جار القمر

اضغط على أي بيت لعرض معانيه وشرحه

يا عالى والعيون نظراك وساكن القمر جارك...والشمس شروق على جبينك بتغزل م النجوم شالك...

بحور شعرى بسحر عنيك نقطه تتوه ف انهارك...لو تقبل بأشعارى وهبها لك اجبهالك..

وارسملك بالحروف لوحة تزينها قوافيه...واغزلك بالكلام عقد حباته من دهب وفضيه...

وابنيلك قلبى قصر براح حيطانه لونها ورديه...والحن لك بدقاته ورقاته احلى اغنيه...

وازرعلك من مشاعرى جناين طارحه حنيه...ولو هطير انا جناحك ولو هتعوم انا المايه...

فليه تتقل ونظراتك ورا كبرك مخبيه....حكاوى كتير عن عشقى فخف التقل ده شويه

ما لو عالتقل وحياتك احنا فيه صنيعيه....بس ازاى وانا العطشان وانت ف ايدك المايه...

فخف التقل ده شويه...بفرشلك جنتى الوردى تفتحلى انت باب نارك...

وحيات من وهب حسنك وعلا عندى مقدارك....مصير الحب يجمعنا و مصيرى اعرف طريق دارك.....

عن القصيدة

«جار القمر» من شعر أبي حجاج، وتقع في ٩ أبيات. وهي بالعامية، ورويّها حرف الياء، وغرضها الغزل.

التعليقات(٠)

سجّل الدخول لإضافة تعليق.