فاتورة مايه
اضغط على أي بيت لعرض معانيه وشرحه
الفاتورة النهارده جايه عاليه...بيقولو المايه برضو غليت زى كل حاجه غاليه....
كان عندي صباره زارعها فى البلكونه....ماصبرتش على العطش فماتت...
مش باقى منها غير حبة تراب فى قلب شاليه....خايف تقع على راس المحصل عمدا يموت....
بس المحصل ذنبه ايه...يعنى اما يسكر الملك. ماتدفعش الفاتوره جاريه...
مراتى قالتلى المايه طول الشهر ده قطعت كتير....قولتلها كذابه ازاي يعنى اصدقك؟؟! هكذب الفواتير؟!!....
يا عم المحصل هجيب منين الفين جنى وكمان زياده...اتفضل سيب الكعب وسلملى ع الكشاف وقوله....
بيغيب كتير ربنا ما يخلف له عاده....وبلغ إدارة البلد إن انا ف غاية السعادة ...
وقولهم الفلوس هسدها لو فيه اراده...ادعيلى بس انت بضمير انى يجيلى فلوس كتير....
او حتى أموت الشهر ده وتموت انت بحسرتك...و اهو بالمره تنول الشهاده ...
ولع نور السلم وانت نازل يظهر أن النور قطع....طيب ورب الكون جدع....
الضلمه ستر للغلابه اقله بتدارى الملامح....وبتغطى دموع الوجع...
خد بالك من السلمه المكسوره....ما عندناش سلمه مكسوره....
بس كنت بسمعها ف الافلام كتير ...الظاهر مخى شت..لسع من غلا الفواتير...
عن القصيدة
«فاتورة مايه» من شعر أبي حجاج، وتقع في ١٣ بيتًا. وهي بالعامية، ورويّها حرف الراء.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.