بيض الصبايا

اضغط على أي بيت لعرض معانيه وشرحه

ذكرت لي عندك ثلاثة عذاريبوالكل منهن يا محمد نودّه

بيض الصبايا وامهات الدباديبولهلاه بردٍ في دياره مجدّه

فيها الزهر ريحه كما فايح الطيببارضٍ مساسٍ للنظر مجرهدّه

يدله بها الريمي وتدله بها النيبويذكر لنا صياد العذارا بخِدّه

المترفات الناعمات الرعابيببيض النحور مليّنات المخده

مثل المها الشرّاد رثمٍ خراعيبعيون الوحوش وتوّها مستهدّه

نمر العتيبي عقبهن فارق الطيبزادن عناه وبيحن كل سدّه

يجاوب العاوي بروس المراقيبوعينه على سفك العباري تحده

ويهرف من الفرقا كما يهرف الذيبووده مع البدوان نزله وشدّه

لو ان طراد الهوى يشلق الجيبمحدٍ يلوم المبتلي بالموده

والدار عندي بين حر ولواهيبولا عندنا كود الوجيه المصده

نصبر وهذي يا محمد مواجيبصبر الجمال اللي ضرت للمكده

ونشتاق للبيضا ونبعد عن العيبونبني كلامٍ كل حيٍ يعده

يوم الردي جنّب عن الطيب تجنيبواللي هفا به فعل خاله وجده

ما خاض عركات تنابط بها الشيبوان ادبروا ما قال يالربع رده

عن القصيدة

«بيض الصبايا» من شعر محمد الأحمد السديري، وتقع في ١٥ بيتًا. وهي بالعامية، ورويّها حرف الدال.

التعليقات(٠)

سجّل الدخول لإضافة تعليق.