يقول الذي دقّه على القول هاجس

اضغط على أي بيت لعرض معانيه وشرحه

يقول الذي دقّه على القول هاجستماثيل شعرٍ ضايلات حشودها

تولّفت على القلب من كل طارفلواهيب حرٍ ما يحصّل برودها

عسى اللْه يسقى دارنا ثايب الحيابمْخايلٍ ربّي الكريم يجودها

مزنٍ تهاميٍّ وحقبٍ ترضّفتمزابير سحّابٍ غلاظٍ رفودها

يا الله تمنّ بْها علينا وعسىتهلّ ماها من كرمها وجودها

تسقي من الظّفرة الى ساحل الختموْعلى أبوظبي ودبي ربّي يقودها

وتاخذ ديار الغافريّة مْشرّقهذا ولا الربّ الكريمْ يهودها

وتسقي بنادرها وتروي برورهاوالبدو تصبح تشرب الغدر ذودها

تْقصّ بْها الخلفات تهبّ وْتسندوما تنعرف مضموتها من رغودها

إذا لفحّها لافح الكوس واقبلتجاتك كما خودا تهادى بهودها

واذا ضربها العقربي قام يلتويشرى ليّ الرشيِّ اللّي صديرٍ ورودها

وان لضّ فيها بارق العود واسفرتاتبسمت عن ما علا من ندودها

ويلنّ منها شارعٍ فوق شامخههواويّةٍ طار الغشا عن خدودها

ويا واحلى في الارض دقّات وطيهايغبّر بها القاع من بار جودها

تصبح مغاني الأرض منها تضاحكتنادي رواويد الحيا لي ترودها

ويا واوحلاها لين ذابت وأدبرتواصبح بها قوس القدح في ركودها

وقامت يزاغيها اليماني وتنتحيوبرحت قوانفها تقصّف رعودها

وطلبت من لا فيه عيبٍ كريمٍاللّي رفع سبعٍ بليّا عمودها

لين في الوديان ويزيد جريْهاوعْمان تتسمّى على من جمودها

فلا خير في دارٍ بلا الغيث والحياكما قريْةٍ تخبث بطاين جنودها

تفرح بْها الحسّاد ليمن تعظّمتولا تهوّن أمرها إلاّ فهودها

تلقى علوم السوّ فيها تساديولا ينعرف مْحبّها من حسودها

وردّيت من هذي المثايل لغيرهاولا شوف منشابٍ عليّه يكودها

يا بو محمد يا عضيدي وْمسنديوإن اشتكلت حالتي يا وجودها

اللّه يخلّيكم ونحنا كذلكولأحرار ما تشهرْ بْليّا عضودها

نزاحم بك العدوان وإن زاحموناوياللْه ترجع سمّها في كبودها

وأنا أوصيك يا فتّى منّي وصيّةالنفس هنْها لا تعدّى حدودها

حاذر على نفسك من الزّيف والزّللوطالع مخاصيص الجدى من عدودها

النفس وإن طاوعتها ما تردّهامثل العزوم اللّي قويُّ سنودها

والكلمة العوجا فلا لك بنقلهاومغالب الاشيا كما النقص زودها

واذا وليت السدْ لا تكون موضحوأقلع على الشقرا بقايا جرودها

والمرجلة فيها دروبٍ صعيبةخصايلٍ تشهد عليها شهودها

يشهد عليها الدين والطيب والكرمومحاذير نفسٍ عن بقايا نقودها

ويشهد عليها الزرق ما بين غلمةيوم الدنايا ينقص الزّرق عودها

ولو ما عرفناها عسانا نعرفهاوعسى أن نقبض من بقايا شهودها

ولو ما وليناها عسانا نشوفهاوعسى ان نولى سْديّدٍ من سدودها

تمّت وصلى الله على خير هاديما لعلع القمرى وما هبْ نودها

عن القصيدة

هذه القصيدة من شعر سعيد بن راشد بن عتيج الهاملي، من العصر الحديث، وتقع في ٣٧ بيتًا. ورويّها حرف الدال.

التعليقات(٠)

سجّل الدخول لإضافة تعليق.