اكتبيني بقرطاس ..!

اضغط على أي بيت لعرض معانيه وشرحه

لا تحسبني أكتب الشعر للناس.حرفي حرامٍ ما كتبته لغيرك.

الروح ذابت بالمعاليق هوجاس.ويا قلها بالناس مكثور خيرك.

يظماك قلبي بالغلا قلت لا باس.يظما لعينك لو حرقني هجيرك.

لو جيت لك مكتوم هبيتي انفاس.اترك شهيق الذات وآخذ زفيرك.

قصة محبه حبرها مني الماس.ياللي هويتي من قليلي كثيرك.

منثور بك ود وغلا ماله اجناس.ياللي ملكت القلب لملم عشيرك.

اقرأ عليك الناس من شر خناس.وتعويذة الحساد تقوى ضميرك.

لاذاب شمع الحب بعيون جلاس.توريدة الخدين نور لْمسيرك.

الشوق يدفعني غلا ماله قْياس.بستانك المهجور فاقد عبيرك.

ورده نداها بالغلا لمّه احساس.ذبلت بعد جفت منابع غديرك.

يومك تكبرتي وانا فيك محتاس.الله حسيبك لين تجني مصيرك.

بودعك والشوق والود حراس.مع كلمةٍ بالعمر ماهي لغيرك.

هاتي قلم ثم اكتبيني بقرطاس.ماني اسير الغير قلبي اسيرك.

ولو المحبه مابنيتي لها ساس.اعتق خفوقي من جهنم هجيرك

عن القصيدة

«اكتبيني بقرطاس ..!» من شعر صالح بن عمار، وتقع في ١٤ بيتًا. وهي بالعامية، ورويّها حرف الكاف.

التعليقات(٠)

سجّل الدخول لإضافة تعليق.