المنزل المهجور ..!

اضغط على أي بيت لعرض معانيه وشرحه

جيتك..يالمنزل المهجور..

ياللي قوام السور..كنّه ضلع لــ/ الروح..

انهال القوام وطاح..وسط الحنايا ناح..

ذاك الغلا منحور..جيتك..

وخيط الوله كاسيني..وحنان الغلا ناسيني..

سرح مره خيال الروح..ذكرى والهوى راويني..

على اطلال اللقا حياة..لخلْ وغرام(ن) مات..

محرقني هجره اسنين..جيتك..

ونهايتنا لها نهايه..نهايه مالها قانون..

صارت نهايه ولا..عطا لجل الجنايه..

عذر وإلا رساله..منها الغلا جالي..

راحل وتارك حطام..مثلك ياذاك السور..

جيتك..خمسٍ توازيها خمس..

عطيناها زمان الامس..ذكرت الخل يالمنزل..

يوم ان الغلا ينزل..من العيون امطار..

على حيطك وسورك..روح الغرام اوطان..

طاحت معك ياسور..طرحها الهجر والجور..

نهايتها ظلام الليل..يوم انتهى نورك..

طاحت كما اللول..طعنها خنجر النسيان..

واحتضر لها مرسول..ماتت وحالها كان..

تعازيها تعازي انسان.!

عن القصيدة

«المنزل المهجور ..!» من شعر صالح بن عمار، وتقع في ٢١ بيتًا. وهي بالعامية، ورويّها حرف النون، وغرضها الغزل.

التعليقات(٠)

سجّل الدخول لإضافة تعليق.