جنب السور

اضغط على أي بيت لعرض معانيه وشرحه

اراضي بور وقبور وشعور ( اللا شعور ) يثوروادوّن لا مبالاتي على رزنامة ايامي

خجل مدري وجل مدري عجل مدري سؤال يدورمتى أو ليه أو لا لا بلاش آكسّر احلامي

لأن الشمس من كم يوم شحّت لاتمّر الدورلأن الليل من كم ليل يحكي لي عن آلامي

لأن الجرح يبقى جرح ( والطابق ما هو مستور )تعالي نلعن الحب وسنين الحب واوهامي

تعالي لا باجي لك / وقفتي هي هي بجنب السوراذا السور يتذكرني باقول لطلتك ناااااااامي !!!

على شباكك اللي قال لعيونك مساء النوربعد ما اشتاق ليدينك وزينك يا اجمل اعوامي

ابي عينك تشوف الخاطر اللي من ( فرح ) مكسوروابي قلبك يبلّ الظامي اللي لو شرب ظامي

ابيك بكل حزنك أو بمزنك / دمعك المنثورثلاث شهور او اكثر رجفتك ما هزّت عظامي

يقولون العرب فيما يقولون ( السنين تدور )واقول ان دارت سنيني بغيرك تاقف ايامي !!

عن القصيدة

«جنب السور» من شعر زايد الرويس، وتقع في ٩ أبيات. وهي بالعامية، ورويّها حرف الميم.

التعليقات(٠)

سجّل الدخول لإضافة تعليق.