لا صار خلك عسل

اضغط على أي بيت لعرض معانيه وشرحه

خيرك على القلب سابق وانت سابقنيعلى المحبه وروحي منك منتلّه

شرّعت لك باب قلبي لجل تسرقنيلا والله الا عشان القلب تحتلّه

جيتك بقلبي رضا بالحب طوّقنياطوه على كيف كيفك وارجع وفلّه

مابيك تزعل علي والا تفارقنيإن كان زليت عادي طوّف الزله

كلك على بعضك برقتّك مغرقنيوان ضاع قلبي ! يدلك زين وتدلّه

والله كنك على نفسي تفرّقنيلا غاب صوتك وانا اتحراه في حلّه

لا غاب عني أحس بشي يحرقنيشيٍ يخلي دموع العين منهلّه

مافيه حاجه بهالعالم تضايقنيمثل انتظار اتصالك دقه وجلّه

يا مالك القلب من قال لك تعتقنيخلك بقربي مابيك تفارقه لله

لو هو بكيفي تمنيتك تعلّقنيفي وسط غرفتك لاجل احساسي تبلّه

لكني اخشى كثير الحب يرهقنيلا صار خلك عسل لا تلحسه كله !

عن القصيدة

«لا صار خلك عسل» من شعر زايد الرويس، وتقع في ١١ بيتًا. وهي بالعامية، ورويّها حرف اللام.

التعليقات(٠)

سجّل الدخول لإضافة تعليق.