أخت القمر

اضغط على أي بيت لعرض معانيه وشرحه

أخت القمر بنت السحاب المزابيربنت اخي الشمس وسوالف سفرها

فيها نعاس يطيّر النوم تطييرلا بلّلت خدي غمايم ثغرها

الريح تاخذ مع شعرها مشاويرروحه وجيّه لين تربط شعرها

والعطر مدري ليه ساق المعاذيرخجلان منها يوم مر ف نحرها

إن لبستْ اسود جت تسوق التباشيرمثل الليال البيض لا اجهر قمرها

وان لبستْ احمر قلت يا طاري الخيرمعذور قلبي كان راح ف خبرها

هي مزهرية ورد مدري نواويرفي روضةٍ تبكي ويضحك زهرها

مياسةٍ ما مثلها في الغناديرلو صدرها مرات يتعب ظهرها

لامن مشت ماعاد تدري وش يصيرفالخطوه اللي من قصرها قصرها

وان وقفت تاقف عليها العصافيرشافت غصون وجت تدوّر ثمرها

هي غير حتى لو زعل مني الغيرما غيرها لو غيرها جا ب اثرها

فيها من الغيره جنون الأساطيرومن الوله فيني قصيدٍ غمرها

عن القصيدة

«أخت القمر» من شعر زايد الرويس، وتقع في ١٢ بيتًا. وهي بالعامية، ورويّها حرف الراء، وغرضها الغزل.

التعليقات(٠)

سجّل الدخول لإضافة تعليق.