دموع التماسيح ..!!

اضغط على أي بيت لعرض معانيه وشرحه

الليل محراب الوجع والتباريحوأنا بسكين الحكي .. بذبح الصمت

ما عاد يغريني حديث المراجيحولا الهوى اللي عقب عرفه تندّمت

ولا عاد تخدعني دموع التماسيحمن كثر خذلان الخلايق تعلّمت

أكون بارد دمّ لو قلبي يصيحوأضحك بوجه جروحهم لا تألمت

واللي تغانم طعنتي ربّي يبيحمنّه , ويجبر زلّتي يوم عشّمت

محدٍ معاه لضيق صدري مفاتيححتى الذي في صدق قلبه توسّمت

هذي ذنوبي بين دعوة وتسبيحعلّقتها في رحمة الله وسلّمت

ما عادت حروف القصايد مصابيحضويت لين إستنفذ الشعر وأظلمت

تجري بما لا تشتهي سفني الريححتى معاها وين هبّت تيممت

ما كان ودّي يبلغ السيل وأزيحوجه الرضى , عن طلّتي لا تكلمت

ليته يكفّي عن غثى الحكي تلميحأو ليت بعض الناس تستوعب الصمت

عن القصيدة

«دموع التماسيح ..!!» من شعر نواف التركي، وتقع في ١١ بيتًا. وهي بالعامية، ورويّها حرف التاء.

التعليقات(٠)

سجّل الدخول لإضافة تعليق.