صف كلام ..!!

اضغط على أي بيت لعرض معانيه وشرحه

البداية ..عادةً تأتي بلا أيّة بداية ..

تنخلق من رغبة الهاوي مراودة الخلود ,تشبه إحساس الـ تحرر مـ القيود ,

تبتديك بلا سبب ,تدمنك تاخذك لأبعد من توقّعك الوصول ,

تاخذك منّك إليك ,لين تتوغل بذاتك ,

في سكاتك ,فـ التفاصيل الصغيرة , من حياتك ,

لين تتوحد مع الأشياء حولك ,لين تنسى من تكون بزحمة التكوين والبعث الجديد ,

كثر ما تتوغل بروحك بتبعد ,وكل ما تتوغل أكثر تبعد أكثر ,

لين تجهل من تكون وكل ما كنت يتلاشى ,وتبدا ترجع من جديد ,

تكتشف إنّك بعيد ,وأنّ قلب أمّك بسيط ,

وإن حلم أبوك أبسط ,وأنّك الجامح لحلمٍ ماله حدود وملامح ..

لو قدرت بأمنية ترجع بعمرك ,إرجع لمولدك الأوّل ,

عيش ثاني كل ذرّات الثواني ,من يشقّ النور نوّر ,

من يطيح الليل ليّل ,مثل كل الناس خلّك ,

لا تروح أبعد من اللازم كثير ,لو منحك الحلم ريشه لا تطير ,

لا تغادر ,لا يغرّك ملمس الحلم الحرير ..

تدري إنت إن الزكاة تحلّ في إبن السبيل ,وأنت أرضك من ذهب ,

لا تكون اللي ذهب ,كن مثل أرضك عريق ..

الكلام يغصّ في فمْه الكلام ,وأتعثّر بالوجيه الفارغه من كل معنى غير من صف الكلام ,

كانت الرحلة تعيسه للأسف ,البداية خطوة لـ لأي إتجاه ,

بس الأصعب .كيف تكتب في نهايتك النهاية ,

كيف تقنع كل من حولك ,ذبولك ,

كيف ترمي الوردتطفي الشمع

يغرق في عيونك دمعتنسى نفسك بلحظة وتكتب ,

عذراً لكل القلوب اللي مشت وياي واللي ما تقاطعنا أبد ,ما أظن أن الكتابة بالنهاية

تعني إنك قادر تصيغ النهاية ,بس أكتب ,

مغلق لأشعار أخر ,وأقفلك بالشمع الأحمر ,

وأنتهينا بالسلامة ,

عن القصيدة

«صف كلام ..!!» من شعر نواف التركي، وتقع في ٢٧ بيتًا. وهي بالعامية.

التعليقات(٠)

سجّل الدخول لإضافة تعليق.