الخنجر المذروب

اضغط على أي بيت لعرض معانيه وشرحه

أنا حظي رداته مع نصيبي في الشقا مكتوبوقلبي بينهن من حيرته كثرت مطاليبه

جذبني ريم ٍبعينه وأنا كنت أحسبه مجذوبألا ياويل منهو طالعه والرمش يغضي به

ألا يابري حالي من دلالٍ يرسمه بإسلوبذبحني عقب ماقفّا وتل القلب يومي به

رفعت الرايه وسلّمت رغم ٍعني ومغصوبعيونه أجبرتني بغض طرفي ويش أسوي به

أثررمحه من أول نظرة ٍصوبّني الرعبوبوأنا أحسبني بعيد ٍعن هدف مرماه وتصويبه

الا ياليت مامريت ذاك الشارع المنكوبعذابي زاد من شفته وحالي صارت صعيبه

غزال ٍمن بياضه مثل فص ألماسة ٍمصبوبيماري بحسنه القتال ببلاشكٍ وريبه

وخده يجهربنور ٍمثل نورالفنرمشبوبوعوده ايتثنى مثل غصن ٍفي مشاريبه

وخشمه من ورى البرقع شبيه الخنجر المذروبونهد ٍرافع ٍالثوب له يادوب زامي به

عقب شوفه وأنا ماطاب لي زادٍ ولامشروبومن عّزالمنام أصحى أرحّب به وأهليّ به

وأنا والله مالي في الشقا غاية ولامطلوبأنا من قبل أشوفه ماعرفت الحب وتعذيبه

أنا زابن وأعدّ إني من أدناة الربع محسوبولالي شف ّغير اللي عذا بي من تسابيبه

لعل الله يكتب لي مرادي آخذه وآتووووبأبّرد حرقة ٍفي القلب وأطفي من لواهيبه

عن القصيدة

«الخنجر المذروب» من شعر محمد بن عمار، وتقع في ١٣ بيتًا. وهي بالعامية، ورويّها حرف الباء.

التعليقات(٠)

سجّل الدخول لإضافة تعليق.