ياما كليت من الليالي مقاليب

اضغط على أي بيت لعرض معانيه وشرحه

ياما كليت من الليالي مقاليبوكم موقف محفوظ ماني بناسيه

مواقفٍ خلتني اتيه واشيبمن قبل وقت الشيب تبدي مواريه

والرجل لوماعلمته التجاريبمثل الحمار اللى به القيد لاويه

ترى التجارب للنشاما مكاسيبوتعرف علوم الكفو ساعة تخاويه

والصاحب اللى يجلب الشك والريبلاحد يبي قربه ولا حد يماشيه

والذيب له هيبه بروس المراقيبوالشاه تكثر بالثغاء حين تثغيه

ومن يمدحك بالبهرجه والاكاذيبيباك تكثر بالعطاء يوم تعطيه

بكره يذمّك عند ربعك واجانيبترى العطيه رشوته حين ترشيه

ياذا الزمن لاقيت منك الاعاجيبكم ترفع الهامه وصقرن توطيه

ماعاد افرق بالعداء والاصاحيبازريت افرق بين هذا ومن ذيه

والكفو راع الطيب نجزاه بالطيبوندوس بالاقدام بعض المشاريه

لاقدار تجرى والمصايب مخاليبوماقدر المولى على العبد ياجيه

واللى من اول ضاع عن منهج الطيبقلّه يريح الساق ماعاد يمديه

واللى لاقالوا عيب ما يعرف العيبمثل الجعل دايم بحمله يدربيه

علته مايقدر عليها الاطابيبحتى لو الميسم على الراس يكويه

مافيه طيب الا كثير العذاريبياليت مشعاب يمشط علابيه

الراي بندق يخطي احيان ويصيبواذا كتبت الشعر احكم قوافيه

عن القصيدة

«ياما كليت من الليالي مقاليب» من شعر حسن عامر آل عيسى، وتقع في ١٧ بيتًا. وهي بالعامية، ورويّها حرف الياء.

التعليقات(٠)

سجّل الدخول لإضافة تعليق.