قال منهو بات ساهر ما رِقَدْ

اضغط على أي بيت لعرض معانيه وشرحه

قال منهو بات ساهر ما رِقَدْوالملا في النوم دَلْهينٍ رقود

لي بغيت النوم من عيني شَرَدْلين نور الصبح سوّى لهْ عمود

يوم جاني الصبح همّي ما بردمِ المفارق كل ما جا له يزود

من فراق اللي وداده لي قَعَدْمَقْعدٍ في الجوف ما ظنّي جحود

ينتِمي بالطيب من خالٍ وجَدْهوب وارد مصر والّا مْن الهنود

وبالكرم والجود له أهلٍ تْعَدّفي قديم الوقت من عصر الجدود

منزله في البَرّ ما هو في البَلَدْمرتفع الغزلان ربَّات النُفود

ما يشَتّى غير في ذيك القَعَدديرةٍ عسى انْ تِوْطاها الرعود

يعل لي من الغرب له برق وْرعدفي دياره ينذكر وَسْمِي وُيُود

ماه وَبْلِيٍّ صِبيب بْلا بَرَدْنعمةٍ من عالِم الكون الوجود

وانظر الخَلْفَات من ذيك الرَعَدفي العِشِب حِيرانها طِيَح رقود

في ديارٍ ما رَعَتْ فيها الجِعَدقفرةٍ ما تْقِصّ فيها الّا الرّغود

وما يجيها الّا على اسبوعٍ وِرِدغير لي منسي قطيعه بالورود

في المنازل لي خّذ اسبوعين شَدّفي سَنَعْهَا يْسير عقب امّا يرود

ما حَلَى ليمن ضِوَتْ الهددفــــي طَــــرَفْهــــا صــــوت الرعــــود

تــــضــــويِ بْــــيــــوتٍ مــــن عَمَدْما بنوها من سْمِيت ومن حْيود

بيت عزٍّ يوم تبغي باتْشِدّتنطوي حجبه وتنقضّ العمود

في ديارٍ صاحبهْ ما بْهَا جَهدلي حطبها ريحته كَريح عود

يعل بسقيها من الوسمي مْهَدّلي مزونه كالجبال تْشاف سود

يسقيِ الظفره جميع بْلا عددهوب بس أحرامها غدف الحدود

وينْذكر جوده بدار اللي نِوَدّبو عيونٍ سود وحْجاجِ مْعَقود

بو ثمانٍ كنّها لون البَرَدْوالجدايل من على متنه رْجود

نافلٍ بالزين وبزينه يِعَدّتكثر الاوصاف وبزينه فَنود

كامل الآوصاف اِن قام وْقَعَدْوان مشَى في الآرض لَهْ مَشْيَه بْهود

وِان هَرج بالوصف مثل اللي بَعَدمثل وصف اللي يعِدّون النقود

إِلْتقاني في الطريق بلا وَعِدصدفةٍ والّا فَنا قلبي جحود

قلت له شايب وقال اِلْيه وَلَدقلت لا والله أنا في السن عود

أسْتَغفر الله وِيش في عندك بَعدلا توَلّعني بحبك يا عنود

تــــايــــبٍ لله الفــــرد الصمدوخايفٍ يا زين من يوم الوعود

والذي شَرواي من هذا يصدّمن هَوى الخفرات ما له فيه فود

يوم وقت صْبايْ لي به مستعدما سمعت اللي عذلني والحسود

راح وقتي وانقضى ما هو يردّولو يردّ ان كان انا يومي سعود

والختم صلوا على من هو صعدليلة المعراج والعالم رقود

عن القصيدة

هذه القصيدة من شعر أحمد بن سيف بن زعل الفلاحي، من العصر الحديث، وتقع في ٣٣ بيتًا. ورويّها حرف الدال.

التعليقات(٠)

سجّل الدخول لإضافة تعليق.