أهـــلاً عِـــدَد دُوس الجــدم بــالرمــالِ

أهـــلاً عِـــدَد دُوس الجــدم بــالرمــالِ — واعــدَادْ مَــا وِدٍّ جِــمَــع وِد بــاشِـمـالِ

واعــدَادْ مَــا صَــوَّت بــراس المــنــاره — واعــدَادْ مَـا صَـلّوا فـروضٍ مَـعْ انـفـالِ

يـانـى كـتـابـك يـشـتـكـي لاعـج الهوى — حِـزيـنٍ وانـا اعـزّيه واشرَح لِهْ البالِ

مِــنْ عَـادة العـشَّاـق تِـشْـكـي وتِـشْـتِـكـي — عـسـى سـاعـةٍ تِـقْـبَل لهم بَعْض الاسوالِ

ومِــنْ عَــاشْ مَـا لِهْ صَـاحِـبٍ يِـسْـتِـشـيـره — تْـغَـلَّق عَـلَيِّهـْ الأمـر مِـنْ أوَّلْ وتَالي

والراي ضَــيَّعــَه وســيّــد النـاس مَـوِّلَه — إذا عـاد هـو رايٍ بِهْ الطـود يِـنـهـالِ

إيِّيـبَهْ لبـيـب العَـقـل مِـنْ لِبّة الفِكر — كـمَـا فـالِج الدْانـه بـلا شـخص يِنقالِ

ولا خــيــر فِــيْ وِدٍّ عَــلَى غــيـر نَـدْمَه — ولا خــيــر فِـيْ قَـلْبٍ مِـنْ الوِدّ خَـالي

لولا الهـوى مَـا غَـرَّد الطـير بالغِصن — ولا شَـــطّ بِهْ فـــنٍّ ولا ريـــت مـــيــالِ

دِوِيّ برحَى الدنيا بنِسايِمْ رحَى الهوى — ولا لوّعـه لَوْ مَـا رِحَـى الحُـبْ بالبَالِ

سِـبـاك الرّشا يَا مِدلِي الدَّلو بالرّشَا — عَـلَى بـيـر بِـنْ يَـعْـقُوب بِشْراك بالفالِ

سِــبــاك بــجِــبـيـن ووَجـنـتـيـنٍ وحـاجِـب — وخــالٍ يــردّ بــهــيــبِــتَه ألف خَــيَّاــلِ

وصَــفَّةــ حــيــولٍ مَــا تْــحَــرَّكْ ويَهـيِـلِن — إلّا لِهِــن فِـيْ سِـوَيْـدا القَـلْب يِهـيـالِ

وخَــمـرٍ عَـلَى شَـبـقٍ عَـلَى سـلسـل الذهـب — عَــلَى رَفــرَفٍ خِـضـرٍ مِـنْ السّـنـدِس غـالي

وخَـــدٍّ خِـــدَلَّج ابـــلَجٍ فـــوق وجــنــتــه — مِـنْ الدَمْ شَـاهِـد لَوْ يـحَـلَّف بـالانْفَالِ

وكَـمْ مِـبـتِـلي بالشّوق مَا مِثْلي ابتَلى — أبـو يـوسف بحِزْنَه ولا الخَنْسا بمثالِ

ابــات بــزلوف الليــل اهـتِـف بـوَنِّتـي — وكِـلّ مَـا بِـزَغ نَـجـمٍ عَـنْ احواله أسالِ

إلا يا سهير الطَّرف قم وارجِع البَصر — ثـلاثـيـن كَـرَّه والتِـمِـس فِـكْـرِتِك تالي

تَــرى جــنــة العــليـا عَـلَى لِجَّةـٍ عَـلَى — شِـفَـا جِـرف نِـيْـرانٍ تِـواقَـد بـالاشعالِ

ولا مِـنْ سِـعـيـفٍ لَي سـوى مِـسْنَد الصَّبر — ولا نِـعْـمِـةٍ إلّا بـوَصـل نَـاعِـم الحـالِ

تـسَـبَّبـ لِمَـنْ تِهْـواه فِـيْ عَـسْـعَس الدِّجى — بــحِــلمٍ وعِــلم وذِلّ فِــيْ بــاس ريـبـالِ

عَـسـى عَـسْـعَـس الديـجـور يِـتْسَوّل الهوا — ويِـعـل الهـوى يِـدنـي نَـزح زين لجبالِ

وغــالِط حــسـودك بـالتِّجـَمِّلـ ويِـنـكِـبِـت — كَـمَـا راجِـم الشَـيّطَان مَا كنّك اتبالي

واكــبِــت عــذولك فِـيْ هـواهـم وقِـلْ لِهْ — أولى لِكْ السـكـته وأنا خِلّي أولى لي

وِشْ لِكْ بــلومــي يَــا خِــلِّي مِـنْ الهـوى — أنــا بــهَــمّ وغَــمّ وانـت بـصَـدِر خَـالي

كَـنّـك مـصَـفّـى يـيـت يـوم انقضى الأمر — وينْ انْت يوم ازقِر مِنْ يغيث لَي حَالي

نِـصَـحـتـك عَـلَى بَـابٍ مِـنْ الودّ بـالصّفا — طـريـج التّهَـنّـي مِـخـلص أبـكـار وأصالِ

أجــيـبـك وأنَـا قَـلْبـي حِـزيـنٍ بِـعِـلّتـي — طـبـيـبٍ لْغـيرى مَا قِدرت اصنع دوا لَي