مِــنْ انــواره حِـلو الالعـاس

مِــنْ انــواره حِـلو الالعـاس — كــلّهــا الانــوار مِــسْـتَـلْفَه

إنْ رضَـى أو شِـرب سِـلِمْ كـاسي — وان زِعَـل كـاسـاتـي مِـتْـشَنْفَه

مِــنْ جــفــاه هـمـومـي اكـداسِ — لو بَــواسـي الروح مِـتـكَـلْفَه

صـــاد قـــلبــي لَحــظ نَــعّــاسِ — صــيــدَة العــصـفـور بـالكـفَّه

يَـسـري زِلف الليـل الاغـلاسِ — واســتِــلَم سَــرمَـد سَهَـر زِلفَه

ظـلمَه فِـيْ ظـلمَه فِـيْ غِـلْمـاس — كَـــلْكَـــلٍ ومــزون مِــتــرَضْــفَه

الفــقــر هُـبْ فَـقـر الافـلاسِ — الفـــقـــر مِــنْ فــارقَهْ وِلْفَه

والغـنَـى هُـبْ غـنـى الاكـياس — الغــنَـى صـيـد الرشـا ورِدْفَه

واثْـقَـل اثْـقَـل ثِقْل الارواسِ — واثْقَلْ مْنَه الحب بالفْ كِلْفَهْ

خَـذَوا قـلبـي ولِبّـة احـسـاسي — مــا بــقَـى عـنـدي الا يِـلْفَه

مِــنْ يِــبَــدِّلنـي يـا هـالنـاسِ — بْــقَــلْب لِهْ لِب وعِـمَـل حِـرْفـه

مــا بـغـوه لَو زِدْت الف راسِ — هِــجْــن مَــعْ لَك شـيـكٍ نْـصِـرْفَه

ولَي سـقـانـا الحـب بـالكـاسِ — ليـتـه يَـسْـقـيـكـم ولو رشْـفَه

مِـنْ تـراكـم غـيـمـنا الماسي — ليــت فــوق ديــاركــم نِـتْـفَه

والمــطــر لَي غَــرَّق اهـواسـي — ليــت بَــلّ اهــواسِــك بــنــفَّه

بَــحــر حِـسـنـك مـويـه اسـداسِ — وقـلبـي جِـسْـر المـويـه تدفّه

أغــرِفَه بِــكــفــوفــي وطـاسـي — وانتَ بِلْ صِبعِكْ لو مَا تغَرْفَه

شَــلِّقَــت كَــفَّةــ غــلا النــاسِ — وِاريِـحَـت بِـكْ فِـيْ الغلا كَفَّه

لو أيــرّ النِّصــَخ بـانـفـاسـي — لَي مِــحِــب مَـيِّتـ قِـضَـى حَـتْـفَه

لو هـو صـاعِـد رَد فِـيْ انْكاسِ — خِــمّــصــان ورِطْــبِـتَه مـخَـشْـفَه

والبــخــل نِــمْــنَـعـه بـحـرّاسِ — لو نـعَـرفَه قِـلنـا مَا نعَرْفَه

الحــســود يــكــاد بــاليــاس — فِــيْ بــحـر فـرعـون ونـتـلفـه

وان غــزا المــوشـي اللّمـاسِ — نــضــفـي خِـدر السَّدّ وِنـلَحـفَه

وان رِمَــس عــاذل بــمِــرْمــاسِ — الهــبــوب تــشِــلَّه وتــعَـسـفَه

مِـثْـل عِـجـل السّامِري الخاسي — نِـنْـسِـفَه فِـيْ اليمّ أشَر نَسفَه

الخــلق مِــخــتَــلفَــة اجـنـاسِ — مِـثـلْ مـا صـبُـوعِـك المختَلفه

حَــدّ كَــعــب وحَــدّ مِــتــواســي — وحَـدّ سَـلَف مِـنْ كـمّـل هـالصَّفَّه

لو بَـصِـد يـنـب قَـلبـي احتاسِ — يــصِــدّ صُــوبَه صَـدّه مِـخـتَـلفَه

يِــحــتِــذي عـقـلي والاحـسـاس — ويـخَـلِعْهِـن عَـلَى العِـتَـب زَفَّه

هـب نـسـيـم الصـبـا النسناسِ — يَـجـلي طَـلّ الغِـبـش ويـنَـشْـفَه

طــيــر غَــنّــى وقـال لا بـاس — يـا الفـجر والشَّمس مِنْ خَلفَه

مِــنْ مـنـامـهُـم نَـشَّوا النـاسِ — والغِــضـي لِهْ نَـشَّهـ مِـعـتَـرْفَه

تِــعــتِــرِف أكـمـام الابـكـاسِ — والاثـمـار كـلّهـا المختلفة

أنّــي عِــذج لِحــلو الالعــاسِ — دَن هِــدَن يِــنــفِـضـه ويـخَـرفَه

أو مِــثِــل نــاعِــم القـرطـاسِ — فِــيْ يــدَه يِـطـويـه ويـكَـسْـفَه

عِــنـدي يِـسْـوى جِـمـلة النـاسِ — واخــفــي سَــدَّه مَــحَّد يْـعَـرْفَه

مـا المـلاحه أغْلَى الاجناسِ — يــسـجـي وَرد الخـد ويـتـرفـه

كـالمـطـر لَي طَـاح الايـبـاسِ — ســال لَو نَــفَّهــ بــاثـر نَـفَّه

بــيــن مَــدّ وجَــزر مِــتـواسـي — بَــحــر حِــسْــنَه زاخِــر بْـعِـفَّه

مِ الشَّمــِس خَــذ نــور وِقـبـاسِ — و مِ الغـصـن خَذ ميله وهَزفَه

تَــرف يَـنـبَهْ والنـهـد عـاسـي — عَلى العهد ثابت ولا يَخْلفَه

صِــدفَــة وصــوله بــالاغــلاسِ — صِــدفَه افـديـهـا بـكِـل صِـدفَه

ســــــاهـــــرٍ وآوِنّ والنـــــاسِ — فِــيْ رَغَـد فِـيْ نـوم فِـيْ وِلفَه

مِـنْ خِـسَـر هَـيـعـات الانـعـاسِ — ورِبــح وصـل الغـالي يـصَـرفَه

كـالرواسـي فِـيْ الحـشا راسي — حِــبَّهــ والســلوان مـا عَـرفَه

بــاوصِــلَه فِـيْ غَـفْـلَة النـاسِ — مِــرْخِــص بْــرُوحــي لاجـل شَـفَّه

مــا نــبــا طــروشٍ وقِــرطــاسِ — بــاللواحــظ أمـرِنـا نـصَـرْفَه

عَــقــربــي يـاهـي مَـعْ اكـواسِ — مَــزر مِــزْن اشـواقـي تـرَضـفَه

فِــيْ حِــمــى كــليــبٍ وجَــسّــاسِ — زُور واللّيــلات مِــنْــتَــصْــفَه

مــا عــليـك مِـنْ العـدا بـاسِ — دامـنـي بـغَـيّ الهـوى وحِـلفَه