الخَلْقْ سِنّه وزَايِدْ الفَرضْ

اضغط على أي بيت لعرض معانيه وشرحه

الخَلْقْ سِنّه وزَايِدْ الفَرضْزايد عليهم ماخِذْ الزُّودْ

مَا ياك يوم تْخَاطِبَه فَظّيا هِيّنٍ لَيِّنْ بَحَرْ يود

فِيْ الصِّلْح لِكْ قَلْبَه يْتِبَرَّضْوفِيْ الحَرْب بَايَنْسِفك لو طود

عود الجنا بالفَرْد ينْقَضْوالحِزمه مَا يِنْقَضّ لْها عُود

ما ضَاعْ يِرْجَع لا تغَمَّضْإلا الشَرَفْ لَيْ ضَاعْ مَا يْعُود

والاتحاد إن ضَاعْ نِفْتَضْوِنْضيع مِ الدنيا وْلِوْجود

تاريخنا مْذَهَّبـ مفضَّضْللأبنَاء والآباء ولِيْدود

مَا شي منَقَّلْ بَعضْ عَنْ بَعْضوِحْدِه تْعِمْ صْغِيرٍ وْعود

عَلى الجميع الراي يِعْرضْشِيخْ ووزير وشَعب وِجنود

وان يا عدو مِتْبَسِّمْ الفضّخَلّوه مِثْل أمَّاـ يا إيعود

السبع يوم يتبَسَّمـ يعَضّاحْذَر ضِحِكْتَه ونابه العود

وحكامنا السبعه هم الحَظْللاتحاد ونَصْر وِعْضود

لَيْ عَهْدهم ثَابِتْ فلا يْقَضْيُوْفُون بِهْ لَيْ يوم لوعُود

والحَق مَا يْمُوْت لو بِيمْرَضْمَا دَام شَيّ أوْرَاق وِشْهود

احْكِمْ بْحِكْم الشَّرْع به مَضّهو سيِّد الأَحكام مَعْمُود

الحرّ مَا يسْتَادي القَرضْبشَرط لَيْ مِستِلِف مَا ينُود

والعَزْم به ليبَال تِنقَضّمَا يِبقَى فوق الأَرضْ جَلْمود

والضِّرْس غَاره لازِم يشِظْلو سِكَنْ وافتَر لازم يعُود

الجَلعْ أولى لِهْ مِنْ البَضّلا يِسْهرِكْ والعَالَمْ رقود

ومَا يفيد كَان الظَّهَر مِنْقَضلو بالسَنَد لِهْ قَاف وِضْهود

قوَّة وبَاسْ ومالْ يِبْهَضْوجيوش جَوّ وبَحرٍ وطود

الطَايرَاتْ للجَوّ تِنْهَضْوِمَزودَّاتْ بقذف وِوْقود

بنادقهم سِيلْ وْبَرِقْ لَظوْصوتْ المدَافِع قَصْفَه رْعود

في كل حَبَّةْ رَمل مِ الأرضجيشٍ وفوقَه صَفَّةْ جنُود

طَوِّح عَلى لِحْدود واقْبضْكل صَخْرَه وبِقْعَة وكِلّ عود

يَلو علينا الموتْ يِفْرَضلاجْل الوطَنْ بَارْواحنا نْجود

عن القصيدة

هذه القصيدة من شعر راشد الخضر، من العصر الحديث، وتقع في ٢٦ بيتًا. ورويّها حرف الدال.

التعليقات(٠)

سجّل الدخول لإضافة تعليق.