نحن نحن الشرف الباذخ
اضغط على أي بيت لعرض معانيه وشرحه
نحن نحن الشرف الباذخدابي الكر شباب النيل
قوم قوك كفاك يا نايمشوف شوف حداك يا لايم
مــــجــــدك ولى وشــــرفك ضلامتى تزيد زيادة النيل
نحن نطارد العترة الفاردةنحن نزود مشارع النيل
نحن برانا نحمي حمانانحن نموت ويحيى النيل
ما بندس ما نتوصىنحن نكيل برانا نشيل
نحن الطينة ومطر العينةنحن الوادي البرقه يشيل
نحن الصولة سيوف الدولةنحن كنانة اسماعيل
بابه العالي وشرفه الغاليكان لجدودنا ظله طليل
يا حكامنا جيبوا البينةولا انقرعوا كفوا الشبنة
ده ود عمي وده ضريب دميأنت شنو طفيلي دخليل
يا نزلانا امرقوا الذمةكيف ينطاق هوان الامة
شالوا حقوقنا وزردوا حلوقناديل عاوزين دمانا تسيل
من تبينا قمنا ربيناما اتفاسلنا قط في قليل
ما فيش تاتي مصري سودانينحن الكل أولاد النيل
عن القصيدة
هذه القصيدة من شعر خليل فرح، من العصر الحديث، وتقع في ١٥ بيتًا. وهي بالعامية، ورويّها حرف اللام.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.