مـا هـو عـارف قـدمه المفارق

مـا هـو عـارف قـدمه المفارق — يـــا مـــحــط أمــالي الســلام

في سموم الصيف لاح له بارق — لم يــزل يــرتــاد المــشــارف

كـان مـع الأحباب نجمة شارق — مـاله والافـلاك فـي الظـلام

يـــا دهـــر اهــوالك تــســارق — مـنـهـا كـم كـم شـابـت مـفارق

مـا عـليـنـا الفات كله فارق — رقــنــا وله نــعــيـد المـلام

مــن حــطــامــك غــصــنــى وارق — فــيّ شــن ابــقــيــت للطــوارق

غـيـر قـليـباً في همومه غارق — ولســــانــــا بـــرده الكـــلام

ويـح قـلبـي المـا انفك خافق — فـارق ام درمـان بـاكـي شافق

يـا أم قـبائل ما فيك منافق — ســقــى ارضــك صــوب الغــمــام

يــا بــلادي كــم فــيـه حـاذق — غـــيـــر إلهـــك مـــا أم رازق

مــن شــعــاره دخــول المــآزق — يــتــفــانــى وشــرفــك تــمــام

مـسـرح الغـزلان فـي الحدائق — والشــوارع الغـر والمـضـايـق

قول لي كيف امسيت دمت رايق — دام هـواك مـشـمـول بـالنـظام

مــجـلس اللذات فـي النـمـارق — والتـرف لا زال وضـفـه خـارق

ضـاري حـسـك فـاح جـانـا مارق — وله قاطعو الريح ما هو لام

فـي يـمـيـن النـيـل حيث سابق — كــنــا فـوق أعـراف السـوابـق

الضـريـح الفـاح طـيـبـه عابق — السـلام يـا المـهـدي الامام

أيــن مــنــي الودعـتـه شـاهـق — بـــاكـــي نـــاهـــدي مـــراهـــق

عـيـنـي مـا بـتـشوف الا شاهق — أيــن وجــه البــدر التــمــام

أيـن مـنـي الفـي زهـوه بـاسق — فـي شـبـابـه نـقـي مـن مـفاسق

بـيـن ثـيـابه البيض المناسق — حــولك أشــبــه رتــل الحـمـام

يـا بـريـد الجـو فـوقـي حالق — مـيـل عـلى الروح ليـها خالق

عــدت سـالم قـول وأنـت عـالق — مــقــرن النـيـليـن كـيـلو كـم

الحــبــايـب للفـتـو الخـلائق — بيني وبينهم قطعوا العلائق

كان دلال كان تيه كله لايق — نــحــن مــا مـجـيـنـا الخـصـام

يـا جـمـيـل يـا نـور الشقايق — امــلأ كــأسـك واصـبـر دقـائق

مـجـلسـك مـفـهـوم شوفوا رايق — عـقـدة نـاقـص زول ولا تـمـام