رسالة من غريب (هلالي قصير)

اسقوا خليَّ البال كــــاس مــــدام — حتى يجاوب بــــه هديل حمام

في صبح جت شمسه بثوبٍ من الدجى — والليل عن بــــدره يحول غمام

وأنا شجيٍّ يــــوم أفكّــــر بصاحبي — على نمارق مثل ريــــش نعام

عقبه طوت صفحات الأيام سيرتي — مقامها مـــــا هـــــو بـــــأيّ مقام

البين والعبرات والجرح مبتدا — والحب والتحنان مسك ختام

عليه اسائل كل ركبٍ واسائله — واسهرت عيني والعيون نيام

يمرّني طيفه مــــن البين والنيا — ويمرّني غيره مــــــرور كــــــرام

لا جاء يمدّ النور في كل ناحية — أقــــول يــــا طيف الحبيب ســـــلام

يقبل بوجهٍ كالصبح في صفاوته — وعليه كالليل البهيم لثام

ويغضي بعينٍ يبعث السحر طرفها — كم واحدٍ قــــد مــــات منه قــــوام

تشدي لعين الوَحْوَحيّة وحولها — سيوف حدبٍ فــــي نهار زحـــــام

وظفايرٍ من فوقها كنها الذهب — منها ليا هبّت عليّ خـــــزام

عن وجنةٍ بالورد الأحمر تشبّعت — وأنفٍ كما السلة وفيه زمــــام

وجمرٍ على ثلجٍ وماءٍ على عسل — منهن سقيت الكبد بعد حيام

سبحان من صوّر من الحور صورته — تعــــدّ حسنه لــــلأنــــام أنــــــــام

واليوم بعده من هواي وصبابتي — اسهر وأنـــــادم والنديم ظــــــلام

حتى شربت من القصايد بحورها — تحيي هيام وتستميت هيام

واخترت من بحر الهلالي قصيدتي — وجاني على الطرق القصير غرام

نهار لاقيت الغريب ورسالته — وبيني وبينه بالقصيد خصام

قال الهلالي قلت دوري ومهنتي — حتى ولــــوّ ابعدت عنه شمام

ماني بعاجز بالطروق المعجّزة — والشعر قــــوسٍ والشعور سهام

أنا أخذت بعير كامل من الشعر — يومك تــــدوّر مــــن بعير سنام

دامك تجي غصنٍ وريقٍ ترى لفى — بالشعر يالغصن الوريق حسام

يا دويهية دنياك لا جاك داهية — خــــلّاك فــــي دنياك عـــــاد حطام

صوت القويّ ليا صدح في وسيمته — يطيح من خشم الضعيف عــــرام

الشعر له حومة مثل حومة الوغى — مـــــا طاله إلّا محتمين جهام

أحدٍ ضرب في سيف وأحدٍ رمى سهم — وأحــــدٍ يومّي فــــي عويد ثمام

والشعر بحرٍ لا تقــــرّب لغبّته — كانك على الشاطي بنيت خيام

ما هو ترى بالعمر كلن تناوله — كــــم شايبٍ قدمه طلوع غــــلام

وكان الشعر فعلٍ على كل سانحة — حنا لبسنا بالزمان وســــــام

يقوله اللي صدق فعله يطاوله — برهان مــــا طــــاول عليه كـــــلام

واللي بيملى به صدر كل غانية — حنا ملينا بــــه صـــــدور حشام

عن التودّد به كتبنا على الفخر — ونرقى من المعنى سفوح عدام

بين الرجال اللي تدوّر مناهله — فــــي كـــــل ديـــــوانٍ سقاه جمام

تاريخ عُرْبٍ قد تماليت دورهــــا — مــــا هــــو ندايم قاطعين رســـــام

على بنات الريح وإلا على النضا — تجعل مــــدارات الوطيس عسام

وهندٍ صدى بين النوامى صليلها — ساعة فئامٍ مـــــا خـــــلاه فئام

وليا رجع جيشٍ على ظهورهن حدا — وبيّن شعاع الشمس بعد كتام

وبيض العذارى بالغطاريف يزعجن — وحذف العمايم بعد يوم صــــرام

واليوم قطّب كل صوتٍ مناطقه — وبعد مقضايب الحبال جــــــذام

من بعد رجز الحرب رجزٍ لفاتنة — ودقّــــت ثــــلاثٍ مــــن ثــــلاث رهـــــام

من عذر صيّورٍ تصلّي بموقعه — جماعةٍ لكــــن بـــــــدون إمـــــــام

وأطوي سلف وقتي على شان حاضري — وأفتح مـــــن العهد الجديد نظام

لعيون ثنتينٍ وأولهن العُلا — عن ما يحسّ أذني بصوت لئام

والثانية ذكــــر الغضي طيّب اللمى — دونــــه محارب بالخوال عمام

يدوم لي سمح القبال أوّل العهد — دام لعهد سمــــح القبال دوام