مدحك يابو خالد
اضغط على أي بيت لعرض معانيه وشرحه
لو كنت عن بدع المثايل في عزوفمن هول ماصاب الشعوب الامنين
ومن زحمة الساحه ومن قرع الدفوفومن كثرة الشعار والمستشعرين
ومن زحمة الدنيا ومن ضغط الظروفومن صدمة الواقع ودورات السنين
الله يديم الامــــن ويلم الصفوفويعز حكام الخليج المخلصين
والمدح للي حط لي فوق الكتوفجميل وكتوفي مهي بالاخشبين
بمدح من افضاله علي مثل القنوفشي خفي وشي تو الناضرين
مواقفه لو تنحسب طافت الالوفتحتاج كتاب وكتب و مؤرخين
ولو تنكتب تملى المكاتب و الرفوفوانا وهم رغم الجهود مقصرين
مدحك يابو خالد علي ملزم واشوفانه لزومن كل ما شفتك ودين
يا فزعة المظلوم يا ستر الهنوفيا نجدة الغرقان وافراج السجين
يا محزم المضهود يا منصى الضيوفيا منقذ المطلوب يا ملجى الزبين
عقلك هو الميزان وايدينك سيوفوصدرك بحر والا مواطيك اجبلين
اتشف للمحتاج وتصيد الشفوفوكفك نهر يسقي الفقارا الهالكين
في مشيتك هيبه وشامخ فالوقوفولك نظرة منها العظم يصبح طحين
قلبك حديد وقاسي مافيه خوفالا من الله ينكسر خوف ويلين
ودمعك قريب لليتيم و للضعوفوتواضعك خلاك فوق الفرقدين
والله ما يوفيك شعري والحروفلو تعجب الناس وتسر السامعين.
عن القصيدة
«مدحك يابو خالد» من شعر محمد بن فطيس المري، من العصر الحديث، وتقع في ١٧ بيتًا. وهي بالعامية، ورويّها حرف النون.
التعليقات(٠)
سجّل الدخول لإضافة تعليق.