نزوحي .. نكهة الحاظر وعبق الماضي

اضغط على أي بيت لعرض معانيه وشرحه

خلّك من الأسلوب وآسمعني آمنيحمبعد عــــن الساحه و معلن نزوحي

من صآروا عفون السّوالف مشآفيحوآشرفهم اللي للدّنآيا شفوحي

خلّك معي يآ هوه و اعطيك توضيحدرسك بدآ واللوح يا هيه لوحي

بعض الشعر يحتاج نقد (ن) وتنقيحهذا وآنا العرآب والقاف يوحي

إنّي على القمّه ومثلي زحازيحكل (ن) بنآ صروحه وانا لي صروحي

النقد نقد النص من دون تجريحوالجاهل اللي يستفزّ السّموحي

والردّ يبغآله قروم (ن) لحاليحوالحمد للي جمّل البوح بوحي

هاجوس فكري يسهر الليل تسبيحوالقاف ذيب (ن) جآوب اليوم جوحي

مآلك لوى واياك رزم المراويحواجنح ولكن لا تقلد جنوحي

والله واللي تجري آ بأمره الريحمآ تستوي للطيب كفّ الشّحوحي

مالي مع الدنيا مرآم ومطاميحوارضآء ربّ البيت غاية طموحي

مكسب حيآتي بالوجيه المفاليحاللي مع الصاحب تحبّ الوضوحي

وان ضاق صدري قمت يمّ الصّحاصيحاللي بها ترتاح نفسي وروحي

ريح النّفل في روضهآ خالط الشيحلآ هبّ ذعذآع النسايم تفوحي

لين السما تزهى بنور المصابيحوآعيش جوّي مع مشاعر جموحي

ماني من اللي يشكي الجرح ويصيحأصبر على همّي وآداري جروحي

لا طحت عادي لكن الموت لآطيحقدام من يبغى مطيحي ونوحي

كانه جهل بالعلم بعطيه تلميحعزمي جبل والريح تضرب سفوحي

يعني بمآ معنآه ما فيك تصحيحتارك لك الساحه ومعلن نزوحي

عن القصيدة

«نزوحي .. نكهة الحاظر وعبق الماضي» من شعر احمد عبد الله الخالدي، وتقع في ١٩ بيتًا. وهي بالعامية، ورويّها حرف الحاء.

التعليقات(٠)

سجّل الدخول لإضافة تعليق.