أستغمايه
الشاعر: أحمد فؤاد نجم · البحر: المديد
«أستغمايه» من شعر أحمد فؤاد نجم، وتقع في 61 بيتًا. نُظمت على بحر المديد، ورويّها حرف النون.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
غمي عيونك — سد ودانك
إفتح بقك — قول انا فين
الشاطر فيكو — يحزر فزر
في دقيقتين — والإشطر منه
اللي يحزرها — في غمضة عين
والإشطر خالص ما يحزرش — يقول انا فين
والإشطر أشطر — اللي يبص يشوف بالعين
انا فين ؟ — فيه ناس
اختلف في الموضوع — وحكاوي اتقالت
عن مواضيع — والناس لا مؤاخذة
في زمن الجوع — يتعشوا كلام
يفطروا تشنيع ! — فيه واحد شافني
بلبده ولاسه — في باب اللوق
والتاني — لمحني بقفصين موز
علي باب السوق — والتالت شافني
في كاديلاك — راكب مع بنتين
والرابع — شافني ف طنطا
بابيع — بلابيع ونشوق !
وصحافه الصاوي — والورداوي
والجمال — وأباظه ولاظه
وباقي الدلاديل — والأندال
بتأكد جدا — جدا جدا بالتدقيق
إن انا محبوس — وباروح يوميا
للتحقيق! — طب اصدق مين
وأكدب مين ؟! — ماهي حاجه تمخول أيها عاقل
وانا مجنون — وباكلم نفسي
وعقلي صراحه — ماهوش مضمون
لو كنت بلبده ولاسه — وماشي ف باب اللوق
طب إيه مشاني — مفلس جدا
جنب السوق ؟! — لوكنت بدأت
كتاجر فاكهه — وبقفصين ؟
مش كنت زماني — معلم طمبه
وجوز اتنين؟ — لوكنت ف كاديلاك
زي ما قال — التالت بيه
ومعايا بنات — زي الشربات
طب ح انزل ليه ؟! — لوكنت يا طنطا
بابيع بلابيع — وسطل وبخور
مش كنت زماني — مدير على جامع
أو مأمور ؟ — وصحيح الصاوي
والورداوي — والجمال
حابسين أفكار الناس — في بلدنا
وعال العال — إياك قاصدين
إن انا مسجون — زي الملايين ؟
كده يبقي تمام — ولأول مره
ح اقول " صادقين " — بس انا لا مؤاخذه
وبالتدقيق — ماحصلشي معايا
ولا تحقيق ! — مش حاجه تحير
طب أنا فين ؟ — حزرتوا خلاص
فزرتوا خلاص ؟ — عارفين
أنا فين — أنا ساكن قلبي ومتونس
بالناس — والناس الونسه كتير
ماليين القلب — وشاغلينه
سارحين في الدم — وفي التفكير
وجناين قلبي العمرانه — بالناس
الأزهار — العصافير
سايعاني — وسايعه اللي باحبه
وتساعي معايا — رفاقه كتير
شايفين انا فين ؟ — الشاطر فيكو
يحزر فزر — في دقيقتين
والأشطر طبعا — حيحزرها
في غمضة عين — أنا ...... فين ؟
البحر والقافية
القصيدة على بحر المديد. بحر قليل الورود، عذب الموسيقى، سُمّي مديدًا لامتداد أسبابه حول أوتاده.
تفعيلاته: فاعلاتن فاعلن فاعلاتن.
القافية: رويّها حرف النون — قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الشاطر: الشَّاطِرُ : الخبيثُ الفاجِرُ؛ كثُر الشُّطّارُ في بعض العصور فأُلِّفت عنهم الكُتُبُ. ـ: الفَهِمُ المتصرّفُ؛ هذا الولَدُ شاطِرٌ. ـ: هو عند الصّوفيّة، السّابقُ المُسرِعُ إلى الله ج شُطّارٌ.
- بالعين: (عَيَنَ) الْعَيْنُ وَالْيَاءُ وَالنُّونُ أَصْلٌ وَاحِدٌ صَحِيحٌ يَدُلُّ عَلَى عُضْوٍ بِهِ يُبْصَرُ وَيُنْظَرُ، ثُمَّ يُشْتَقُّ مِنْهُ، وَالْأَصْلُ فِي جَمِيعِهِ مَا ذَكَرْنَا. قَالَ الْخَلِيلُ: الْعَيْنُ النَّاظِرَةُ لِك …
- خالص: الخَالِصُ : فا.-: المحض الصَّافي وَإِنَّ لَكُمْ فِي الْأَنْعَامِ لَعِبْرَةً نُسْقِيكُمْ مِمَّا فِي بُطُونِهِ مِنْ بَيْنِ فَرْثٍ وَدَمٍ لَبَناً خَالِصًا / المعدنُ الخالص لا تشوبه شوائب / الصّوفُ الخالص لم يختلط بغيره من ا …
- غمي: (غَمَيَ) الْغَيْنُ وَالْمِيمُ وَالْحَرْفُ الْمُعْتَلُّ يَدُلُّ عَلَى تَغْطِيَةٍ وَتَغْشِيَةٍ. مِنْ ذَلِكَ: غَمَيْتُ الْبَيْتَ، إِذَا سَقَفْتَهُ، وَالسَّقْفُ غِمَاءٌ. وَمِنْهُ أُغْمِيَ [عَلَى] الْمَرِيضِ فَهُوَ مُغْمًى عَ …
- فزر: فزر: الفَزْر، بِالْفَتْحِ: الْفَسْخُ فِي الثَّوْبِ. وفَزَرَ الثَّوْبَ فَزْراً: شَقَّهُ. والفِزَرُ: الشُّقُوقُ. وتَفَزَّر الثَّوْبُ وَالْحَائِطُ: تَشَقَّقَ وَتَقَطَّعُ وبَلِيَ. وَيُقَالُ: فَزَرْتُ الجُلَّة وأَفْزَرْتُها و …