كوكبنا جبان

اضغط على أي بيت لعرض معانيه وشرحه

هي لهم كل الأماكن لا غدا قدري مكانالتعب لأرقابهم لا صرت بالصف الأخير

وإن ضحك وجه البنفسج وأستمال الخيزرانفي ثنايا الجرح جرح ومابقا إلا الكثير

طال عمرك ؟؟ يالليالي مانبي غير الامانفي نهارٍ لو رضينا مارضى باللي يصير

طال عمرك ؟؟ وش بيدنا ؟؟ دام كوكبنا جبانماقدر يكون شمس ولا قمر دايم ينير

ليت أنا لي يالثريا مثل جوف السيسبانكان لي قلبٍ ضحوك وقلب مجروح وكسير

ماعلي لو عذربوني .. دام في راسي جنانوالله انا آخذ بيمنا ماتحوش إلا الكبير

قالو الدنيا ملز ؟؟ وقلت أنا شعري حصانوادري اني لو لهيت ولا تمالكته يطير

آه يا أذن المساند ليت للمركا لسانكان تلعن ثم تلعن كل من داس الحرير

والسفيه اللي مرده لو تعلّى للطمانلا يهمك والله إنه لو نفص عينه ضرير

لعنبوها رجل ساقت راعي العز لهوانولعنبو من شبه سباع الصمايل بالحمير

راح علم وجاك علم وكل خافي له بيانهرجةٍ قلنا وتمت ..من ورا خشمك تصير

من عوايدنا الصلافه لو نعم وجه الزمانومن يحقر الناس عند الناس هو أصلاً حقير

ودعك يالجرح نزفي من جت الساعه ثمانونامت عيون الأوائل.. صرت انا الحلم الأخير

عن القصيدة

«كوكبنا جبان» من شعر عبدالمحسن بن سعيد، وتقع في ١٣ بيتًا. وهي بالعامية، ورويّها حرف الراء.

التعليقات(٠)

سجّل الدخول لإضافة تعليق.