غالب الطبع

وش لكم في حياتي نار هم وسموم — في همومه وحزنه من يطيق القعاد

لامني فيك غيري يوم حام الرخوم — قلت هافت براري ما لها من رشاد

من غزير المعاني هاك حل الزحوم — أنزودك في عداده من أصيل الجياد

ايش حدك لكرهي دامني في النجوم — ما طلبتك ف يومٍ حتى حب الخراد

من يعاني سمومه لو يكثر ب حوم — اتركوا هم شانه له يدور براد

صان خيره وشره من جبال القروم — مبتعد في حياته ما تحرى العباد

الليوث المقيمة ما تشيل العلوم — ينعرف من فعاله عز أصل وجواد

غالب الطبع أهله والكذب ما يدوم — ضم صغرك لكبرك خل عنك العناد

عيش قلب الحقيقة لا تعيش الحلوم — ليت ليت الأماني ما تعيد الجهاد

وعمر قالت وقالوا ما تشق الهدوم — مجد كانت وكانوا ما يحرك جماد

أسمعوا ه النصيحة يالقروم الشهوم — فكر عاقل مجرب أو طفل في المهاد

كل شبر ب حياتي للتجارب علوم — من يعيش الأماني زاد فيها وعاد