وين أنت يالمعتصم
اضغط على أي بيت لعرض معانيه وشرحه
وين أنت يالمعتصم هذي عموريهترفع لك أبصوتها المبحوح وتنادي
تبغى لها صامل عنده صفى نيهمن روس قوم(ن) كريم وصامل زنادي
ماجا لها لجل كسب أصوات حزبيهدم العرب فيه من عاده بلا مهادي
جاها لجل لطمت العجوز العرابيهالطمه اللي خبرها في الملاء سادي
واليوم دار ألخلافه صارت ضحيهصارت دمار وخراب بعد الآمجادي
الله لو شفت وشلون الرشيديهماكنه دوج بها للعز روادي
ماباقين للمفاخر ذيك ماريهتناهبوها ضعوف علوج ووغادي
وتراثها راح بيدين الحراميهبيدين نجسين كفر و فسق ولحادي
في قلب الإسلام حطوا كيه وكيهمن ناقصين ضعوف علوج ووغادي
هبت على الفاو عاصفتن جنوبيهلا دكت الأرض صار لها تويقادي
بالحقد والكره وأفكار أمريكيهخطة يهود نصار ذات الابعادي
مدفونة(ن) في نواياهم صليبيهتنفيذ من بوش ومن بلير الآعدادي
بانت وهي كان مخفيه وسريهصار النوايا الخبيثه فوق الاشهادي
بقلوبهم ،، حقد ناره للعرب حيهوستفحل الحقد وأستأصل بأجسادي
بأوامر بلير يوم أنساق مع غيهومن الحقيقة غدا فكره وهو غادي
وبوش ولع فتيل الحرب وضويهوده يجي للعرب بأنواع الانكادي
يلفقون الحجج ولو كان ملويهوعذرا يسند والأخر حادرآ وادي
دعا وين مالها برهان ودعيهصحيح زاد الخطأ وطغيانهم زادي
أخبارهم بين مذيوعه ومقريهمتخالف وضعها ماهوب متقادي
أخطوا علينا خطا مليون بالميهمن ما عرفها،، صحيح قلبه جمادي
مابين بوذي ونصراني وشوعيهذاك يتجهز علينا و ألآخر إسنادي
قالوا لنا عند صدام أسلحه كيماويهفي حزبه ألبعثي ولا حزب الا كرادي
وايضآ بعد عنده أسلاحه بيولوجيهيعدم بها المسلمين الناس الاجوادي
نبغا لنا لجنه ياعنان دوليهأبلكس والبرادعي لجل التوكادي
من شان كل البشر ينعم بحريهوترتاح كل الشعوب وجوها هادي
وصدام مجرم تراء مافيه حنيهوحنا سعدنا أيلا من الأمن سادي
وان حارب الناس محاربه حضاريهفي حربه عنف وإرهاب و تشدادي
ولا ترى حربنا بأسلوب شرعيهنقول ذي جاتكم ولا ظلم البادي
نرسل صواريخ جوية وبحريهمن الخليج المجاور مالها أعدادي
ومقاتلات(ن) تزلزل الأرض جويهمن كل نوع عليها سلاح وعتادي
تسبق صدى الصوت سرعتها خياليهمن سرعتها مارصدها جهاز الارصادي
في الأرض محمية وفي الجو محميهصعب من مدافعات الأرض تنصادي
غارتها للهدف ماهيب عاديهتمشي على البوصلة ماتبغى الإرشادي
يقودها كبتن دينه يهوديهماقصده الا يعذب ناطق الضادي
تحالفوا والهدف نفط(ن) خليجيهولا لهم غيرها مقصود ومرادي
وإخوانهم بين عمان و سوريهوبطرف سيناء لهم بنيان وبلادي
جونا على شانهم ماهيب مخفيههم للذي ضدهم عدوان وأضدادي
والحرب كانت بدايتها كلاميهواللي أضرمت نارها تبغالها جهادي
تبغالها سلاح وأرجال فدائيهالكل منهم يبيع الروح ويفادي
أنفوسهم بين مبيوعه ومشريهكلامهم طلبت الله والتشهادي
وأرواحهم بين مأموره ومنهيهلله في شأنهم تدبير ومرادي
واللي فعل خير نفسه فيه مجزيهمن واحدآ لاشكرته بالعطا جادي
صفحاتهم من تحت الأجداث مطويهمن فوق روس(ن) لرب البيت عبادي
روس(ن)من المجد والنوماس ممليهمن فقدها العز يلبس حزن وحدادي
ماتنحني كون للخلاق محنيهتسجد لرب الملا من دون سجادي
لو جيت يالمعتصم والوضع هيهيهكان يتعطر ثرى بغداد بالكادي
لكن الإنسان مايبلغ لأمانيهوالله هو اللي يسهل كل ماكادي
وحنا تحت منزل الكتب ألسماويهوالفضل له والتشكر والتحمادي
عن القصيدة
«وين أنت يالمعتصم» من شعر محمد بن جزاء الخنفري، وتقع في ٤٨ بيتًا. وهي بالعامية، ورويّها حرف الدال.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.