سمان القوافي

اضغط على أي بيت لعرض معانيه وشرحه

عسى الله يكافي مابقى بالمعاني ريفسمان القوافي هاجرت من مرا تعها

تعدا الخريف وننتظر يأتي الخريفعقائب عسى خالق الكون يرفعها

يمر الربيع وينتهي و المطر ما شيفبعذر المربي لو مواشيه بيعها

ذبحه الصلف واحتار من كثرت التعليفخسر رأس ماله بس ماهوب نافعها

أمور توقف فكرتي عندها توقيفوأعود على أوراق قديمه وأقطعها

لأمن شافني بعض العرب قال به تخريفوهو ماعرف عن مهجتي ويش موجعها

نشدني وقلت العلم يابن الحلال مخيفوقف لي بحلقي غصة مقدر ابلعها

أراعي أصوات الناس بالين والتلطيفضعوف تسد الشوف مني بأصابعها

أهوجس وأنتف من شعر لحيتي تنتيفأفكر أبقوم فانية كيف أرجعها

تمنيت ليته ينوجد محكمة تأنيفترجع أحقوق جردت من مواقعها

تميز غثيث الكم ، لايختلط بالكيفوأتوارى ،، أبوق الزيف معاد نسمعها

على شأن بياع المعاني على التصريفيبعد عن أرجال تسامت بضايعها

وقوارب نجاته ضيعت عامل التجديفتلاعبه أمواج الحياة وزوابعها

تعبنا من التلميح مانقبل التغليفأيلا غلفت ياشينها الله يقلعها

لكن ياحسافه مابقى للحقيقة طيفسوى،،فكرة في دفتر الوقت طابعها

أنادي وصوت الحق يرجع علي معيفبعد ما ضعوف الناس تغلق مسامعها

صحيح بعضهم داخليه يبي تنظيفوضماير بعضهم مالقت من يلمعها

تعبنا نعف ونطلب الهدوء والتثقيفنجنب عن الغلطات مانبي نتبعها

لكن لا طفح كيل الخطاء ردعه التعنيفويمنى الخديعة فيصل الحق يقطعها

سمعت الشريف اللي على خوته تشريفومن منهله تلقى النشاما مطامعها

بعيد النظر فنان في دقت التوصيفيجيب المعاني صافيه من منابعها

تطاوع له لعوب الشوارد بلا تعسيفصدوق يصدر كل كلمة ألمرجعها

كفوا يابو متعب صبت بالرأي ياهديفرفيع المقام ورميتك ماتضيعها

أنا مابغيت النار تحرق دقاق الليفولكن سلمت ودمت ياشيخ ولعها

مادامك رفيع ألمنزله والمقام منيفتحمد مادام الأرض ربك موسعها

مجرد تفاعل لا حميه ولا تكليفمعي من كشف عن شلت الزيف برقعها

مع أجمل تحيه بالوفا ،،من شعور رهيفتلاعبه أفكار تجافت مهاجعها

عن القصيدة

«سمان القوافي» من شعر محمد بن جزاء الخنفري، وتقع في ٢٧ بيتًا. وهي بالعامية، ورويّها حرف العين، وهي قصيدة دينية.

التعليقات(٠)

سجّل الدخول لإضافة تعليق.