يا كويت
اضغط على أي بيت لعرض معانيه وشرحه
ماحرك افكار فكري من مهاجعهاولا ولع النار داخل غابت الشجاني
ولاغير أبيوت شعري من مواضعهاولا لبس المفرد جور وعصياني
ولاضيع فنونها وأخلف روايعهاواثر على شكلها الظاهر والاوزاني
اللي منول فؤادي كان مرتعهاوأسقى ضماها من الافكار هتاني
واليوم أدور عساي القاء مراتعهاوأسقي ضماها من الافكار هتاني
روح القصيده لهيب القهر لايعهاتبكي شهيد(ن) قتل في قصر دسماني
من فقده الؤلؤة توحش شوارعهايبكي علية الوطن والاطفال يتماني
علية البراج تبكي من تصدعهاوتبكي له الضاحية وقصور كيفاني
مافيه ذرت ثرى ماهوب موجعهاحتى البحر من أسلوب الغدر زعلاني
تشكي مصحاتها تبكي جوامعهامعاد يسمع عليها صوت الاذاني
لعيون طاهر ثراها مع مزارعهالعيون ورد(ن) تذوى ومات عطشاني
لعيون بترولها ويا مصانعهالعيون موج البحر لؤلؤ ومرجاني
لعيون أهل الحمدي لعيون من معهالعيون من يسكن الجهراء وخيطاني
لعيون من دمعها جرح مدامعهالعيون من تزهم أخواني وتنخاني
لعيون من غطت القذله أبمسعفهاوتقول يابوي يازوجي ويا أخواني
لعيون من غضت من القهر أصابعهالعيون دم العرب وحقوق الإنساني
لعيون من خانها المجرم وروعهالعيون من شردة ظلم(ن) وعدواني
لعيون من دنس الطاغي مرا بعهالعيون أهل ديرتي وربعي وجيراني
لعيونها من خذا الدرة يرجعهارغم(ن)على أنفه ترجع عرضها مصاني
لعيونها أيدين طامعها أنقطعهابإرادة الواحد الله عالي الشاني
لعيونها الحرب لاشبت نصارعهاحنا أهل الحرب قحطاني وعدناني
لعيونها راية التوحيد نرفعهاأيلا ومرنا فهدنا القايد الباني
أرواحنا في سبيل الحق ندفعهارهن الإشارة العبد الله وسلطاني
أسود في جبهة الهيجا مواقعهابمر ولي العهد والنائب الثاني
مثل الجبال الرواسي مايزعزعهاقلوبهم مادخلها غير الإيماني
رجالنا ببخس الأثمان بايعهاأرواحنا للوطن فدوه بلا أثماني
نفوسنا في بنوك الموت نودعهاوداعة(ن) من مدينن جاه دياني
يوم أنكشف عن وجيه الغدر برقعهااللي لنا يلبسون ثياب خلاني
خمسه والإجرام والشيطان سابعهاتشاركوا بالجريمة والصنم جاني
عدوان تخفي أبخافيها خدا يعهاخدايع(ن) كلها ذل وخذلاني
يضحك عليها صنم بغداد يخدعهاأغرقهم بكذبه اللي فيه غرقاني
يكذب على شلة(ن) ماهوب نافعهاالله وأكبر على عباد الاوثاني
نياته وشلته بانت دوافعهابانت وكلآ يطالعها بالاعياني
الشلة اللي شموخ الحق مجزعهاومن الحسد ردوا المعروف نكراني
مافيه داعي فضايحها ترقعهاضعوف ماهم من المعزى ولا الضأني
خيرتنا يبغى الفاجر يوزعهابينه وبين الضعوف فلان وفلاني
مايدري أن دونها أرجال بتمنعهاحتى يعود ردي الأصل خسراني
نرويه بالحرب واللي معه نشبعهاحتى يجاوب جبل صنعاء العماني
نبغي فلسطين لأسمعت وقايعهاتنقل صدى صوتها صوب أم درماني
من شان ناس ضمايرها تبيعهاتحشر معى قوم فرعون(ن)وهاماني
حنا ترى دولة ماهي طبايعهامانقبل أن جارنا يسلب وينهاني
أنقولها لين كل الناس تسمعهاثم نثبت أقولنا فعلآ وبرهاني
أهل الخيانة نجازيها صنايعهاوانجازي اللي فعل الإحسان بحساني
مانستمع لضعوف ولا زوابعهالجل الوطن ترخص الأنفس والابداني
عهدآ علينا الامانه مانضيعهاالموت واحد وصيور العمر فاني
يالعنبوا نفس تنسى فضل مرضعهاويالعنبوا من يخلي الجار والعاني
جيراننا دارنا ربي موسعهاتفضلوا عندنا منتم بضيفاني
حنا أمة منبع الإسلام منبعهاوأخلاقنا أخلاق أبوبكر وعثماني
سنة نبي الهدى والحق نتبعهامافيه من بيننا بعثي ونصراني
خذ يامذيع الحقيقة مني وذعهامن شان يسمعبها القاصي مع الداني
عن القصيدة
«يا كويت» من شعر محمد بن جزاء الخنفري، وتقع في ٥٠ بيتًا. وهي بالعامية، ورويّها حرف النون.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.