(( لا حرزت راحه ولا مربح أحرزت ))

حاولت أقيم حالة لسوق وعجزت — السوق فيه أسرار عني خفيه

جيت ودخلته وأبغي الفوز مافــزت — وشلون أفوز وعلته باطنيه

رسمه لي خــطه ورآها تجاوزت — لكن كشفت أن مامعي مقدريه

طمعان لي بإنجاز لكن مانجـــــزت — وتصنع الانجاز فكـــره غبيه

لــونني قبل لدخل لسوق ميـــزت — وضعت مابين القضا والقضيه

اشتقت للمكسب وقمت وتحفـــــزت — ولا استفـدت ألا التعب و الاذيه

ابغا أختصرها ووجز العــلم موجزت — طمعان فالحسنى لكن جبت سئيه

لقيتها لغــــــزاً صعـــيبً ولغـــزت — لغزاً لواني فوق ملــيــون ليه

وعجزت في حله وزدته ولفــــزت — من شان يأتي فيه فرق ومزيه

وغلق علي بترول لأفكار وقلـزت — بأرض خلا في لليلةً خرمسئيه

وفقدت شئيً بعد فقده تهز هزت — هــــزتني الأيام هـــــزه قويـــه

وكثر الوحل في سكتي لين غرزت — في رمل صحراء في الديار خليه

وفكيت مسمار الحقيقة وبوزت — صامولتن في فكرتي داخليــــــه

بوزتها واز علت منها وتنفرزت — وبانت لي أشيا كان عـني خفـيه

وصحيت فكرت نايم الشعر وبرزت — أجروحي اللي في خفوقي نــديه

ودفعت مخزون لمواهب وعززت — خيالي اللي مابقالــــــــــه بقـيه

ولا حرزت لأراحه ولا مربح أحرزت — وغديت مثل اللي سبقني ضحيه

ابغا الخلاص ولا خلصت وتلعوزت — وخسرت رأس المال مئه بالميه

وزود عــــلى اثنتين عندي تجوزت — لكن لأخيره ماهــيب يــعــربيه

ولعيونها صرت التصنع وخاوزت — وقالت لي النــيـه تـــراها مطيـه

وبالغت في حبي لها شوي ونحزت — وأنا حسب أنها طيبه وجــــوديه

وبعد الخسارة قلت لوكأن ركزت — كان انتبهت ولا عشقت اجنبيه

وجازت وخلتني وانأ مثلها جزت — والكل منا قام يشــــتــم خـويه

من بعــــد ماشابت عيوني وعجزت — ولا عاد ميزت القـدى والخطيــه

وخـــــــــذت معكازاً قوي وتعكزت — ورجلي0بعــد ذاك النشاط محنيه

وعلى بقايا أطلال لأفكار عنزت — راســــي أبحيل الله رب ألبريه

وذكر الله المعــبود أخذته وبروزت — للمســــــتمع منـــي سلام وتحـيه

وختامـــــها بسم الله الفرد طرزت — وأزكى الســلام يخـــص طــه نبيه