أتصوّب جروح

أتصـوّب جروح — مِنْ أنظر الـــــــــــــــوالد

وبطّبره مطروح — راس الوصي السّاجد

أتجرّع غياب — يا قالِع الباب

علي اللِّي شقله رُكن البيت بارينـــــــه — أنولد بشرف مكان وأصبح ولينــــــــــــه

يَمن بيه المجد يعله ويِصد لينــــــــــــه — نَصُر راية علي تضوي ويه مهدينــه

أشـــرف نَسب ليــه — واللِّي نولد كعبه

والكِــــل گِصد ليـــه — بالشِّدّه والصّعبه

يا أعجب اعجاب — يا قالِع الباب

ساعــة طلعِتك يا بويـه من دارك — قلعت الباب وانته حامـل افقــارك

سولفلي يحيدر شِنهي أخبــــــارك — أظنَّك رايح تلاگيــــه أقــــــــــــــــدارك

أبچيلك دمــــــوم — يلتارك أيتامك

ليله بألف يـوم — آخــــــره أيّامــــك

يموسّد تراب — يا قالِع الباب

آنــــه سمعتـــــك تنـادي الإه أشهـــــــد — تــشّــهـــد باِلاه الواحِـــــــــــــد الأوحـــــــد

بعد موتك يجي من تدخُل المسجــد — وابآخــر فــــــرض ركن الهُدى ينهـــد

أسمـــع بالآذان — من صوته حد داري

ومن يقره قرآن — ينصت له البـــــــــاري

أفطر بالمصاب — يا قالِع البــــــــاب

وبعد ما خلّصت وانهدمت أحلامي — الطُبَر راســـــك هوَ اللِّي هيَّج آلامـي

ولا بالبــال موتــــــك يا ضــــوه أيّامـي — يگلِّــي وداعـــــت الله أنــــتِ وايتامـي

والرّاسه مطبـور — وينادي قد فُــزتُ

وأيگلي معــــذور — بليلة قَدر مُـــــتُّ

ما ينفع اعتاب — * يا قالِع الباب

عـزرائيل دِخل واستأذن المـختــار — گَبُل لا يقبضه ويرحل الى الجبّار

أسألــــنَّـــــك يبويه هـــــم يـــرد للـدار — أنظرنـــــه وانه أصبر علــى الأقدار

چن گلِّي والجّاي — أصعــب من الحيــــن

من يُنظر الماي — يقبضهَ روح حسين

راس وگلب شاب — يا قالِع الباب

بآخر ليله يا حيدر خِلص عُمـــــــري — بكُثُر دمّــك دَمع عينـي الك يِجــــــري

هذا اللِّي جره جمره بوســط صـــدري — واذا يوگَع أبن أُمّي شبُگه بصبــــري

مِنْ طبـــرة الــــــراس — أتصــوَّر حسينــك

ظل مرمي عبّــاس — وينادي ها وينك

قد مات الشهاب — يا قالِع الباب

عسنچ يا شمـــــس لا طالعــــه هالحـــــيــــــن — ردت أحضـــــر واقبِّل جبهتــــه والعـــــــــيـــــــن

لو ينهــض يرد هــــــاي الشّمــــس لسنيــــن — لون طلعت واشوفن نعش ابو الحسنيــــــن

يا البيدك الكون — ردلي الشّمـــــس مرّه

لا تحمل امتون — طود الوغى الگبــــره

ذاب الگلب ذاب — يا قالِع الباب

طلع فجر الحِزن والهيّج احزانـــي — ذِكِر اُمّي ابد مــــــا فارگ الســاني

يُمّه الغالي سافرلچ وهو انساني — دنيا ابلا علي ابلايـــه فتى ثانــي

وين امّي جـــــدّي — خَلْ تحضر الحيدر

وآنه ابقه وحــدي — وابلا بطـــــل خيبــــر

ابچي اعله الاحباب — يا قالِــــــع الباب