العفاريت

اضغط على أي بيت لعرض معانيه وشرحه

السقف ............ البوصالنازل من صدره حبال

ف آخرها لنضةعلى صدر اللنضة عويل...... بيرضع غاز

وبيرقص رقصة مدبوحوحيطان بتبوح بالطوب النى ............ العريان

إلا من صورة لأبوهكانت ضحكة صدره فى الصورة

أعلى من صرخة كل رصاص الخواجاتوالتانيه لجده

الماضي بخطه على كل سطور تراب الأرضوالزارع رجليه فى الطين ............

فيه صورة مكانتش على حيطة الأوضةمتعلقة على حيطة قديمة ف قلب الواد

الصورة للبت بتاعته ............الحلم الجاى المتعلق بحبال القمر الدايبة

والمربوطة برقبة بكرة* * * *

والليل بيزغلل عين الوادويلون وش الطوب ...... حواديت

سكينة نوم ............قطعت شريان حواديت الواد النعسان .....

سال الدم على الفرشةيطلع عفاريت أحلام ....

قصر ..... زرع ....... ميةوألف حورية رايحين جايين

بكاسات .........مليانة خمرة ....... حرية

وسرير هزاز ف وسط جنينة القصرمتمدد فوقه جسم الواد النعسان .... قلقان

بيبص ف ساعته ومستنىتحبى ف قلبه صرخة مولود ........

وف عز خروجهسكينة صبح بتفصل راس المولود عن جسمه

ويسيل الدم .......تتهز حيطان القصر ...... تتهد

تهرب كل العفاريت ..ويقوم الواد مفزوع

يلقى جنبيه ع الفرشةشوية طوب من حلم امبارح ............ وشوية دم

وعنيه تتطوح سكرانةتتمشى فوق كل حيطان الأوضة

البوص ............ السقف ............اللنضة الغاز ............

وعويلها جواها اتهد من الرقص ونامصورة أبوه ....... صدره ماعدش بيضحك فيها

جده فى الصورة التانية ........حاطط وشه فى الطين

برواز البت بتاعته ف قلبه اتشرخلسه الفرشة بتنزف دم وطوب

من يومها ......والواد النعسان بطل يسمع حواديت

بطل حتى يقابل حلمه ف سكة نوم* * * *

ملحوظة : فى اليوم التالى وفى صدر الصفحة الأولىكان مكتوب :

" تم القبض على العفريت الهارب المتسبب فى وفاة ألافات من أولادنا النعسانين وجارى البحث عنالعفاريت شركاه "

عن القصيدة

«العفاريت» من شعر أبوزيد بيومي، وتقع في ٢٩ بيتًا. وهي بالعامية، ورويّها حرف النون.

التعليقات(٠)

سجّل الدخول لإضافة تعليق.