جاب م الآخر

اضغط على أي بيت لعرض معانيه وشرحه

ماشي ف دنيا العمر الصحراشال صبار الناس الفقرا

فوق اكتاف القلب العيلرضّع كل الدم الشوك

دلدل روحه حبال أحلامرابط بيها السكة ف رجله

وراح مستني طابور الدورركّب ترسه ف دنيا موتور

و لف و دارومشي مشوار

خطوة بخطوةكانت كل الناس فايتاه

علّم كل الناس السكةلكن تاه

شاف صفحات كراسة عمرهملقيش فيها غير شخابيط

عرف الآخر إنه مغفلإنه عبيط

لما استنى القطر يعدّي ..وياخده معاه

لما اتخيل إنه بيصرخو ان الناس حواليه سامعاه

وان السكة الماسكة ف رجلهبالأحلام هاتروح جامعاه

و انّه ف عمره هيقدر مرةيخطّي السور

لكن اكتشف الدنيا الساقيةو انّه لوحده كان الــ ......

جاب م الآخرلملم كل أحلامه ف باطه

غمّض عينه بسرعة و.....نااااااااااااام

عن القصيدة

«جاب م الآخر» من شعر أبوزيد بيومي، وتقع في ١٦ بيتًا. وهي بالعامية، ورويّها حرف الألف.

التعليقات(٠)

سجّل الدخول لإضافة تعليق.