الحكاية

اللعبه باينه من زمان — من يوم تنحى الساحر

ف العِنْد خِسر الرِّهان — وادّى الوطن للعساكر

قالوا نِحِل البلد — ونضحك على الثوار

لحد ما الدنيا تِهدى — ونسْتَعِيد الدار

والشعب فرحان وسعيد — بيهتف لثورتنا المجيده

لحد ما ف بور سعيد — قتلوا العيال الشهيده

ووعدونا بانتخابات — وقالوا يا شعب الإراده

ودخلنا ف مؤامرات — والحكم كان بالبياده

وبدأ حُكْم المشير — والذل فى شعبنا

ولقولى ميتين دليل — ويشهد عليه ربنا

أول دليل الفريق — طيار ومش مننا

وعملوا لنتخابات — واترشح الإخوان

وعرفنا رئيس البلاد — وأشعلوا النيران

وبدأوا ف الأزمات — يا شعب مفيش كهربا

يا شعب مفيش بنزين — مش إنت عايز ثوره

هنخلى عيشتك طين — وبدأ الغلابه يمِلِّوا

وبدأ الحصار ع الشعب — قضا ومعاه إعلام

والبلطجه بتزيد — ولا أمن فيه وأمان

وبدأوا يحاربو الدين — والحرب ع الإسلام

والشعب صدق كلامهم — وقال يا خلق حرام

عَزَل الرئيس المشير — ماهو كان عميل لنظام

كان أَمَلُه يعود بِكِتِير — خلال ساعات ...أيام

وجه وزير للدفاع — وقالوا م الإخوان

إسمه عب فَتَّاح — ونقبه كان سيسى

هَمُّه الرئيس ينزاح — فبدأها بمؤمرات

وعمل لنا ف حركات — أيش تمرد وأيش

وراح زاجج بالجيش — كِبْرِت تمرد زُور

وزوروا استمارات — وقف الفريق ف الدُّور

قال قدامكم يومين — تحلوا مشاكلكم

طب قول بقى يا حسين — ولا أنا احكيلكم

جِه الفريق قام جامع — بابا الكنيسه والأزهر

وجاب ديكور م الجامع — ومعاهم حركة تدهور

عَطَّل الدستور — وقال دا حكم العسكر

وجاب لنا طرطور — وقال دا الرئيس المؤقت

وبعدها بأسبوع — قال طلب تفويض

يحارب بيه الجوع؟ — لأ .. هيحارب الإرهاب

الشعب خرج مسيرات — وهتف لا للإتقلاب

لا لحكم العسكر — بدأت الحكايه تظهر

واللعبه بانت يا ناس — يسقط بابا الأزهر

ويسقط الوسواس — قالوا نفض الميدان

بقوة النيران — ضربوا الرصاص الحى

والضرب كان ف الراس — وفى صدور الشعب

وحتى فى الرقاب — ماهى حرب ع الإسلام

وبيقولوا ع الإرهاب — أقسم برب العباد

ما هنترك الميادين — إحنا ضد الفساد

قاعدين ليوم الدين — واقتل يا خير لجناد

والشهدا بالملايين — إحنا مشاريع شهاده

وهما مشاريع بياده — بدأوا يحطوا الصعاب

أزمه ورا أزمه — هييجى فصل الخطاب

طول ما الجموع عازمه — والله جى الحساب

ولا قِزْم ولا قزمه — هنضرب كل الكلاب

والضرب بالجزمه