كله على الله

هاعتب على مين — ويمـين وشمالكله على الله

كل الأحوال مش طايقانى — ونيشانى الأوحد ما وصلنيش

والصبر ليلاتى يعزينى — والدم لا فكر ينصفنى

ولا حاول يعدل موازينى — ولاحتى يهزروياىَّ

ويقول لى مافيش — *هاعتب على مين

غيرت النون والكاف والسين والهاء — علشان الميم والصاد والراء

يفضلو عاليين — مش قادرأخللى الصَبَا نهاوند

وليلاتى باهاتى ف أبياتى — وحياتى ما بين شطين أهوال

ما سمعتش مرهَ — إزىّ الحال يا خيال الضل

تعبتنى كتير — والبير بقى بحر

جربت السحرعشان — اتخلص م الأشباح

لا قدرت ارتاح — ولا حتى عرفت السكه منين

*هاعتب على مين — على أم ليلا تى تبكينى

ويوما تى باقدف فى مرارها — وبتنكرخيرى وتطفينى

واناطول العمربانورها — وف عـزالحيره بارسيها

وافديها بروحى واحررها — ونهارهـا لوبس اتعكر

تتشمر ناري واصرارى — وسمارى يفجر براكين

*هاعتب على مين — وأنا كل ما أقرب من ناسك

يطلعـو قـاسيين — هافحـت فى الهم

يادوب مترين — وهامـد دراعى وأشد الأه

أأأه...الآه دى بتاعـتى — والآه دى بتاعـتك

وانا فاكر — وقـت ماشوفت إشاعتى

لقـيـتك فــيها — كلك على بعضك جواىَّ

وبتمشى معاىَّ فى أنفاسى — وف راسى وقلمى وكراسى

حــبك فـيضان — وف كل مكان وف كل أوان

إسـمك مع صورتـك — على سيرتك يحكو الحكايات

معلش ياصاحبى شبعـت أهات — وأنا باحلم دايماً

باالجايَّات تكسـينى أمان — متـكتفهاش بحبال كتان

ومتقـفلهاش واتصل إلآن — شيل السماعه واديها إيديك

خليـها تخـبط ع الأرقام — وتخـش زمام الروح

وتـدوَّر عـلى معانيـك — الله يخليك الدنيا ظروف

ورفوف الـعمرليلا تى تشيل — نقض وإبرام

ما بلا ش تظلمنى مع الأيام — واستحمل لمَّا حروفى تدوب

مَانا أصلى يَادوب — حِتِة غـلبان متعبى ذنوب

بين كسروموت وسقوط ومرار — الخـاطـر بــار

ومافيش أخباربتسُرالروح — جواىَّ جروح مش عايزه تطيب

وحـــلـيب الـنيه — بيـفتح فىَّ مداخل ليك

الله يخــــليـك — ماتشيلش إيديك

من حضن مالوش فى الهجرسوابق — ماتسيبش براءة آيه

تسابق فى السؤلات — صدقنى بجد الود ماكانش ف يوم تمثيل

والذاد له حق — إن انت تـزُق اللوم فى النيل

الـصبر جميــل — وانا عندى دليل

يـثبت لك إن الأصل نخيل — والعِرق يمد لسابع جد

والحب مالوش مسافات وحدود — الصدق فى كل آوان قنديل

والليل جواىَّ مالوهش وجود — والجود بيعبى الخير فى كاسات

والتعلب عمره لافات ولابات — فى جـحـور البال

ويوماتى باهِد جبال الخوف — وباطَّير كل دقيقه سلام

يرجـع مـكسوف — معلش يا عم الهم دَهَـسنى

وقرصنى الجوع لليالى بعيد — فيها المواعيد

كانت بتخللى الروح بستان — كانت بتفرح أحزانى

وتشيل اللهم اللى ملانى — وترجع لكيانى صفاه

وها قول لك إيه — مش لا قى قوافى

تطفى الأه فى فؤادى — آه المره دى

أصعب م اللى كتير سبقوها — القلب...فى توهه

والعقل مالوش افكار مشبوهه — والعشره

إن كانوكـتيرنسيوها — القلب الطيب مش ها نساه

وهـا قـول لـك إيه — كلــه ..على الله

الإسماعيليه/1/1/2007