طاسه الخضه
الشاعر: عبد الله الهادى · البحر: المجتث
«طاسه الخضه» من شعر عبد الله الهادى، وتقع في 86 بيتًا. نُظمت على بحر المجتث.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
مولود بشاير ... رابع صباح من يناير
الدنيا فتحت لى ... وشقشقت ليه الحياه
وبشبشت لى الكون ... وزوقت لى الامل
على كل شكل ولون ... وسبلت لى العيون
وسبسبت لى الحب ... والنظره فين ما تدب
تلقى الحنان طبقات ... واما الكاسات دارت
ودخلت فى مطبات ... عش الأهات قرّص
ومشيت وانا محرَّص ... من صفحة المجهول
طول السنين مكوك ... والشوك ملا عمرى
والأمر مش أمرى ... والقهر بيزيق
وليلاتى باتهيأ ... إن الصباح الجاى
أفضل من اللى فات ... ما بخافشى م الأزمات
لاكن با موت م الخوف ... وقت انفصام المعانى
وما ليش طريق تانى ... إلا طريق الحلال
بين الخيال والحقيقه ... سابح فى تيارى
وبالِم أخبارى ... من سلة الأوهام
وإن يوم حاولت أطُل ... من فتحة ألأيام
أسمع كلام باهت ... والقى الظنون تاهت
بين الجفا والصد ... وأنَّده على غربتى
مسستنى منك رد ... يا مسرفه فى الرفض
وتمللى عاصيانى ... وتمللى بتدُقى
فى ضلوعى مسا ميرك ... وف وسط فوازيرك
خيرى غلب شَرك ... فتشت فى سرك
طلع الزمان غازى ... والدنيا سايبهَ الغوازى
ترقص فى أيامى ... وآلآمى متمدده
على فرش أفراحى ... وجراحى متأكده
إن الدوا مغشوش ... الحب تحت الوشوش
لا طعم ولا ريحه ... والكُره مُرجيحه
بتطوح الفالح ... يا بختى ياكالح
وما لكش برأمان ... طعم الحنان حنضل
ريق الحنين مالح ... ياصبرى يا فايح
من زهر أخلا قى ... لملم بواقى الآسى
من عرض أوجاعى ... يا شوقى يا ساعى
بين الجحود والجفا ... خللى الوفا غيتك
ومودتك أغصان ... وأروى عيدان الامل
جايز تنجينى ... يا عشرتى باسألك
وياريت تجاوبينى ... لو ناويه تنسينى
مين اللى هَيوصَلك ... وأما الحياه تُنصُلك
مين اللى حَيلمك ... وإن كان ولا يهمك
وخلاص مافيش إنسجام ... متعكريش دمك
وما تسمعيش الكلام ... وإتمطعى بالقوى
فى جنونك المرصود ... من كونك الجارح
طلع الرصاص مقصود ... إنى خلاص مرفود
وما ليش وجود فيكى ... والحيره فى عينيكى
بترن فى ودانك ... وزمانك المستباح
رافض صباح عودى ... لمّا أنتى بتجودى
بالدمع والنهنهه ... واللهفه والخضه
أيه لازمة العضه ... وأنا جتتى هلاهيل
وركبتى خيل النداله ... ورفعتى سيف التار
وإتجمعو الانصار ... والكل بِيئاجر
طلع العفيف فاجر ... وقع القتيل برواز
واتسبل العكاز ... على قبلة الحسره
وفى شدة العسره ... كف الدعا ما ارتاح
ولا قل معروفه ... وتمللى من خوفه
داير على كعبه ... والحقد بيلاعبه
والغدر ما لو حدود ... وكأنى مش موجود
وكأنى خيط معقود ... على صُرة الفاضى
بين الوجود والعدم ... بتاكلنى أعراضى
وف عز أمراضى ... باأشرب عصير المهانه
يا قلبى يا جبانه ... والــــدق فيك دَوَّد
من كُتر ما إتعود ... يدفن فى إحساسى
وشربت من كاسى ... وسقيتنى من كاسك
وأما الهوان داسك ... طرح الضياع حواليك
وقعدت فى الوحده ... فاتح إيديك للخوف
والشوف بيعصرنى ... لو بختى بصرنى
إن الطريق مسدود ... كنت إكتفيت بىَّ
لا وقعت ف الخيه ... ولاشيبت قبل الآوان
يا عمرى يا خسران ... ولا فيش عقول فاهماك
ولا فيش ودان سامعاك ... لمَّا العجز صابك
وتعبت أعصابك ... ورا قِلة البركه
وانفضت الشركه ... لا كن بدون إشهار
وف هيصة الأعزار ... طلع الدهب فلصو
والمخلصين خِلصو ... والمطعونين فى الضهر
شالو معايَّ القهر ... لمَّا القضا قضَّى
يا طاسه الخضهَ ... خليكى على راسى
لمَّا المعاصى تتوب ... والدم يــــــطهر
والشك يتبخر ... من بحر وسواسى
وتشم أنــــفاسى ... عطر الوداد فوَّاح
والقى الجناح جناحين ... والجرَّاحين بلسم
وإلآههَ تتـــــقسم ... على كل واحد نوب
يا قدرى يا مكتوب ... وماليش عليك إعتراض
فاض الانين منى ... سيَّل على سنى
وغرقت ف الفيضان ... وأمَّا الطوفان عدا
ما لقيتش غير قضبان ... للسجن والسجان
سلّمّت أوقاتى ... وقعدت أترحَّم
على كل أمواتى
البحر والقافية
القصيدة على بحر المجتث. بحر قصير قليل الاستعمال، سُمّي مجتثًّا لاجتثاث أجزائه (اقتطاعها).
تفعيلاته: مستفعِ لن فاعلاتن.
معاني المفردات في القصيدة
معاني ألفاظ القصيدة الغريبة، منقولة من لسان العرب:
- الكاسات: لكس: إِنه لَشَكِسٌ لَكِسٌ أَي عَسِرٌ؛ حَكَاهُ ثَعْلَبٌ مَعَ أَشياء إِتباعِيَّة؛ قَالَ ابْنُ سِيدَهْ: فَلَا أَدري أَلَكِسٌ إِتباع أَم هِيَ لَفْظَةٌ عَلَى حِدَتها كشَكِس. (لسان العرب)
- المجهول: جهل: الجَهْل: نَقِيضُ العِلْم، وَقَدْ جَهِلَه فُلَانٌ جَهْلًا وجَهَالَة، وجَهِلَ عَلَيْهِ. وتَجَاهَلَ: أَظهر الجَهْل؛ عَنْ سِيبَوَيْهِ. الْجَوْهَرِيُّ: تَجَاهَلَ أَرَى مِنْ نَفْسِهِ الجَهْل وَلَيْسَ بِهِ، واسْتَجْهَلَه: … (لسان العرب)
- رابع: ربع: الأَربعة والأَربعون مِنَ الْعَدَدِ: مَعْرُوفٌ. والأَربعة فِي عَدَدِ الْمُذَكَّرِ والأَربع فِي عَدَدِ الْمُؤَنَّثِ، والأَربعون بَعْدَ الثَّلَاثِينَ، وَلَا يَجُوزُ فِي أَربعينَ أَربعينُ كَمَا جَازَ فِي فِلَسْطِينَ وَب … (لسان العرب)
- طبقات: طبق: الطَّبَقُ غِطَاءُ كُلِّ شَيْءٍ، وَالْجَمْعُ أَطْباق، وَقَدْ أَطْبَقَه وطَبَّقَه انْطَبَقَ وتَطَبَّقَ: غَطَّاه وَجَعَلَهُ مُطَبَّقاً؛ وَمِنْهُ قَوْلُهُمْ: لَوْ تَطَبَّقَت السَّمَاءُ عَلَى الأَرض مَا فَعَلْتُ كَذَا. و … (لسان العرب)
- فين: فين: الفَيْنةُ: الحينُ. حَكَى الْفَارِسِيُّ عَنْ أَبي زَيْدٍ: لَقِيتُهُ فَيْنةَ، والفَيْنةَ بَعْدَ الفَيْنة، وَفِي الفَيْنة، قَالَ: فَهَذَا مِمَّا اعْتَقب عَلَيْهِ تَعْرِيفَانِ: تَعْرِيفُ الْعَلَمِيَّةِ، والأَلف وَاللَّا … (لسان العرب)
- قرص: قرص: القَرْص بالأُصبعين، وَقِيلَ: القَرْص التَّجْمِيشُ والغَمْز بالأُصبع حَتَّى تُؤْلمه، قرَصَه يَقْرُصه، بِالضَّمِّ، قَرْصاً. وقَرْصُ البراغيثِ: لَسْعُها. وَيُقَالُ مَثَلًا: قَرَصَه بِلِسَانِهِ. والقارِصةُ: الكلمةُ المؤ … (لسان العرب)