القرايا
اضغط على أي بيت لعرض معانيه وشرحه
القرايا ساكنتنا لو سكنّا في المدينهياكثر مافي المدينه ناس تسكنها قرايا
مثل انا لامن شعرت أني بحاجه للسكينهرحت يم القريه اللي قدرها بين الحنايا
قريتي واليوم جيتك شاعرٍ هزّه حنينهللوجيه وللبيوت وللسوالف والحكايا
قريتي انا فهد .. فهد .. فهد ماتذكرينه ؟!أسألي عني بيوت الطين ونقوش الزوايا
ياسقى الله قبل اسافر عنك يالدار الثمينهيوم انا طفل يشوف عيوب جدرانك مزايا
يوم انا طفلٍ يمر اليوم ماشاف الغبينهالضحى وسط المدارس والشفق بين المطايا
ياسقى الله يوم كنت الريح والدنيا سفينهقبل مالدنيا تكون الريح والسفن البرايا
يوم ابوي الله يبيحه كان ياخذنا بيدينهيم ذاك المسجد اللي فيه من ريحه بقايا
ياسقى الله او بلاش ازيد هذا الطين طينهلي هنا والعمر مابه متسّع لاهل الرزايا
قريتي مانيب انا اول من رجع لك وسط عينهدمعتينٍ كنها لبيوتك وناسك مرايا
القرايا سالفة اهل القرايا في المدينهوالمدينه سالفة اهل المدينه في القرايا
عن القصيدة
«القرايا» من شعر فهد المساعد، وتقع في ١١ بيتًا. وهي بالعامية، ورويّها حرف الألف، وغرضها الشوق.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.