نديم الجرح
اضغط على أي بيت لعرض معانيه وشرحه
يانديم الجرح واللي وصتّك بأرقامهاعارف انّك ما تعرف الا شذى يشمومها
لا تعلمني عن آخر ما حصل فأيامهامن رسالتها عرفت اليوم كل علومها
أدري إن الوقت شمّر عن يديه وضامهاوأدري إن الحظ الأقشر صار مثل هدومها
وأدري إن الهم وقّف في طريق أحلامهالين صار الحزن أثرها .. والشقى مقسومها
بس تستاهل .. هي اللي طاوعت من لامهاوباعت اللي كل ذنبه .. مادخل في سومها
خلها تدفع ثمن غلطاتها ما دامهاهمّلت قلبي .. وراحت .. وأسرفت في حومها
يبتعد مع كل خطوه .. صوت وقع أقدامهاوتقرب الضيقه .. وتصحى دمعتي من نومها
لين غابت عن عيوني .. وأنجلى هندامهاليلةٍ .. تغفى على صدر الظلام نجومها
كنت احس بشيّ .. والله ماتشيل عظامهالو تحس بشييّ منه .. يمر وسط حلومها
كنت احس إن الضلوع العوج مثل أيتامهاوأشعر إن القلب نبضه منتهي من يومها
والحياه اللي تدور شهورها وأعوامهاوقّفت .. واليوم دور رماحها وسهومها
ياكثر ما اغرقت نفسي في بحور اوهامهاوياكثر ماضعت بين أوهامها وهمومها
ما جداي إلا احلم اني واقفٍ قدامهاوأتخيلها تعاتبني .. وأروح ألومها
يانديم الجرح .. خلّك من علوم أيامهامابقى في القلب رغبه يلتفت لعلومها
والرساله ردّها للي زمنها ضامهاوقلها كلمه .. وتفهمها حسب مفهومها
والله أن أقص كفي قبل .. أدق ارقامهاوالله أن اشيل قلبي .. قبل أشيل همومها
عن القصيدة
«نديم الجرح» من شعر فهد المساعد، وتقع في ١٦ بيتًا. وهي بالعامية، ورويّها حرف الميم.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.