أبلبس حزني لي بشت ٍ وأباخذ دمعي شخصيّه

اضغط على أي بيت لعرض معانيه وشرحه

انا وياي أحزاني وجرحٍ جاني عيديّهوهمٍّ جا يعايدني بعد ما غابت سنينه

بعيني شفت هالعالم يعيش بنفس مرضيّهوأنا بأعماقها نفسي تلاقي سن سكينه

يا بنت أقسم برب الكون تعبت بكل ما فيّهأحاول أسعده قلبك وأسعد به شرايينه

وش الحيله إذا هالروح صارت حيل مكويّهبيوم العيد يوم العيد ساعاته غدت شينه

أقول بكل عيد يمر هل الثاني يكون زيّه ؟وأثاريه وألعن وألعن ولعناته بعناوينه

شفت الموت بعيوني ونفسي باقيه حيّهوشفت الويل بأنفاسي وفرحي مضيّعه ../ وينه ؟

بيوم العزّ كل واحد يقول يالله إنت حيّهويوم الحال بي ضيّق .. زاد الحزن به طينه

أحاول أغلب أحزاني وأزيحه عنّي شويّهإلين ما صارت أفراحي ضحيّه بيني وبينه

يا بنت النفس بي ضاقت وصارت حيل مبليّهوروحي ميّته وترقص حواليها مزايينه

هذا العيد أحسبّ إنه [ عزا ] هالنفس لي بيّههذا العيد ؟ .. أجل لحظه أبكشخ لي بهالزينه

أبلبس حزني لي بشتٍ وأباخذ دمعي شخصيّهبيوم الناس كل واحد مع خلّه تلاقينه

عن القصيدة

«أبلبس حزني لي بشت ٍ وأباخذ دمعي شخصيّه» من شعر أحمد العولقي، وتقع في ١١ بيتًا. وهي بالعامية، ورويّها حرف النون، وهي قصيدة حزينة.

التعليقات(٠)

سجّل الدخول لإضافة تعليق.